Ruka 17:21 - Rapa Nui

²¹ E ko kī atu pē nei ē: “ꞌĪ aꞌa” ꞌo “ꞌAi rā”; te haka tere iŋa ꞌāpī o te ꞌAtua nā ko ai era ꞌā ꞌi roto i te māhatu o te taŋata.

Ruka 17:21 ပူးပေါင်းရင်းမြစ်များ

Māteo 12:28

ꞌE mo haka eꞌa ōꞌoku i te tātane mai roto i te taŋata hai pūai o te ⌊Vārua Maitai⌋, ko tuꞌu mai ꞌana ia te ⌊haka tere iŋa ꞌāpī o te ꞌAtua⌋ ki a kōrua.

Marko 13:21

»Mo kī atu e te kope e tahi ꞌi rā ŋā mahana: “ꞌĪ te ⌊Kiritō⌋ ꞌī aꞌa” ꞌo “ꞌAi te Kiritō ꞌai rā”, ꞌina kōrua ko haka roŋo.

Ruka 17:23

Tētahi e kī rō pē nei ē: “ꞌĪ te Poki o te taŋata ꞌī aꞌa ꞌo ꞌai rā”. E uꞌi kōrua ꞌo haka roŋo rō.

Ruka 21:8

He pāhono e Ietū: —E uꞌi kōrua ꞌo haka maꞌa-maꞌa rō atu. Nuꞌu rahi te nuꞌu ka tuꞌu atu ena he kī atu ko au a rāua. Pē nei ka kī atu ena: «He Kiritō au» ꞌe «Rā hora ko te hora nei». ꞌIna kōrua ko haka roŋo.

Iovani 1:26

He kī e Iovani: —A au e papatito nei hai vai; ꞌe, nā ꞌi roto i a kōrua te kope e tahi kai ꞌite ꞌā e kōrua ko ai mau a ia.

Iovani 18:36

He pāhono e Ietū: —Tōꞌoku haka tere iŋa taꞌe o te ao nei. ꞌĀhani o te ao nei, ko ai ꞌana tāꞌaku taŋata mo moto ki te ŋā hūrio ra-rahi ena mōꞌoku, ꞌo topa a au ꞌi te rāua rima. Tōꞌoku haka tere iŋa, e kī atu ena, taꞌe o te ao nei.

Rōmano 14:17

Taꞌe, paꞌi, o ruŋa o te kai ꞌe o ruŋa i te meꞌe mo unu te haka tere iŋa o te ꞌAtua; o ruŋa i te meꞌe he tano o te taŋata ꞌe o te rāua noho iŋa ki tōꞌona mata hai koa ꞌe hai haumārū o te ⌊Vārua Maitai⌋.

Kōrosa 1:27

nuꞌu ki a rāua te ꞌAtua i haŋa ai mo haka ꞌite pē nei ē: te hauhaꞌa taꞌatoꞌa o rā parautiꞌa mo te nuꞌu taꞌe hūrio takoꞌa. ꞌE rā parautiꞌa ko te meꞌe nei: a Ietū Kiritō e noho takoꞌa rō ꞌana, hai Vārua Maitai, ꞌi roto i a kōrua i te nuꞌu taꞌe hūrio. ꞌE hai noho atu ōꞌona ꞌi roto i a kōrua he ꞌite kōrua pē nei ē: pe muꞌa ka oho ena a kōrua takoꞌa ꞌi roto i tōꞌona nui-nui, te auraꞌa: i a kōrua takoꞌa tōꞌona huru riva.