Ruka 17:20 - Rapa Nui

²⁰ He ꞌui e te nuꞌu ⌊fariseo⌋ ki a Ietū: —¿A hē ka haꞌamata te haka tere iŋa ꞌāpī o te ꞌAtua vānaŋa mai e koe? He pāhono e Ietū: —Te tuꞌu iŋa mai o te haka tere iŋa ꞌāpī o te ꞌAtua taꞌe he meꞌe mo takeꞌa e te mata.

Ruka 17:20 ပူးပေါင်းရင်းမြစ်များ

Ruka 10:11

“¡Te puŋaꞌehu o te kona nei puhia mai ki ruŋa i te mātou vaꞌe ꞌī e mātou he tū-tū mo ꞌite e kōrua pē nei ē: te ūtuꞌa o te ꞌAtua ka topa atu ena, i a kōrua ꞌā! ꞌE, e ꞌite takoꞌa: te haka tere iŋa ꞌāpī o te ꞌAtua nā ko hāhine mai ꞌana”.

Ruka 14:1

ꞌI te ⌊mahana haka ora⌋ e tahi, he oho a Ietū he kai ꞌi te hare o te ⌊fariseo⌋ ra-rahi e tahi, ꞌe tētahi nuꞌu fariseo ꞌai e uꞌi era koiꞌite e aŋa rō a Ietū i te meꞌe ꞌina he tano ki te rāua haka tere iŋa.

Ruka 16:16

»Hai roŋo o te ꞌAtua pāpaꞌi e ⌊Mōtē⌋ ꞌe e te perofeta te taŋata e haka tere era i a rāua ꞌātā ki te hora o Iovani Papatito. Mai rā hora e haka ꞌite e oho nei i te parau ꞌāpī riva-riva o ruŋa o te ⌊haka tere iŋa ꞌāpī o te ꞌAtua⌋, ꞌe nuꞌu rahi te nuꞌu haŋa mo oꞌo o rāua ki roto o rā haka tere iŋa ꞌe mo haka tere i a rāua e te ꞌAtua.

Ruka 19:11

ꞌI te hāhine ia o Ietū ki Hērutarema, ꞌe ꞌi te manaꞌu o te nuꞌu era e haka roŋo era ki a ia pē nei ē: te ⌊haka tere iŋa ꞌāpī o te ꞌAtua⌋ nā he topa, he ꞌaꞌamu e Ietū i te ꞌaꞌamu haꞌaauraꞌa nei.

Iovani 18:36

He pāhono e Ietū: —Tōꞌoku haka tere iŋa taꞌe o te ao nei. ꞌĀhani o te ao nei, ko ai ꞌana tāꞌaku taŋata mo moto ki te ŋā hūrio ra-rahi ena mōꞌoku, ꞌo topa a au ꞌi te rāua rima. Tōꞌoku haka tere iŋa, e kī atu ena, taꞌe o te ao nei.