Ruka 17:1 - Rapa Nui

¹ He kī e Ietū ki tāꞌana nuꞌu hāpī: «ꞌI te ao nei e ko taꞌe ai te meꞌe mo uŋa i te taŋata a roto i te hara; ꞌe, ¡ko te ꞌaroha ꞌi te kope haka hara i te rua!

Ruka 17:1 ပူးပေါင်းရင်းမြစ်များ

Māteo 16:23

He rori e Ietū he kī ki a Pētero: —¡Ka haka tapa koe mai muri i a au! ¡E haka ꞌaka-ꞌaka ꞌā koe i tōꞌoku manaꞌu pē Rukifero ꞌā! ꞌIna koe he manaꞌu pa he manaꞌu o te ꞌAtua, a koe e manaꞌu ena hai manaꞌu taŋata.

Māteo 18:7

»He ꞌati e tahi mo te nuꞌu o te ao te ai meꞌe rahi nō atu meꞌe uŋa i te taŋata ki roto i te hara. Rā ŋā meꞌe ꞌina e ko taꞌe ai. Ka ai atu pē ira, ¡ko te ꞌaroha ꞌi te kope haka hara i te rua!

Ruka 16:31

»He kī e ꞌAparahama: “Mo taꞌe haka roŋo ꞌe mo taꞌe haꞌatura i te meꞌe pāpaꞌi e Mōtē ꞌe e te perofeta, pē ira ꞌā ka taꞌe haka roŋo takoꞌa era ka ai atu he ora haka ꞌou te taŋata mai te mate”».

Rōmano 14:13

ꞌO ira, ꞌina ko kī haka ꞌou e hape rō ꞌā te rua. Te meꞌe nō, e uꞌi kōrua ꞌo haka ꞌaka-ꞌaka i te manaꞌu o te kōrua taina o ruŋa i a Ietū, ꞌo uŋa i a rāua ki roto i te hara hai meꞌe aŋa e kōrua.

Rōmano 16:17

E te taina, e uꞌi e haka tapa mai muri i te nuꞌu haka huri i te manaꞌu hai hāpī taꞌe parautiꞌa, ꞌo taꞌe ai e tahi mau nō kōrua manaꞌu o ruŋa i te hāpī parautiꞌa haka ꞌite atu era, ꞌo haka tapa kōrua mai te ara parautiꞌa o te ꞌAtua.

1 Kōrinto 10:32

ꞌIna kōrua ko aŋa i te meꞌe mo haka riri i te rua, ka ai he ⌊hūrio⌋, he taꞌe hūrio ꞌo he nuꞌu haka moe i te manaꞌu ꞌi ruŋa i a Ietū.

1 Kōrinto 11:19

¡E topa-topa kē-kē mau ꞌā pēaha kōrua ki takeꞌa ai ko ai te kope tano ki te mata o te ꞌAtua!

1 Kōrinto 8:13

ꞌO ira, mo ai tāꞌue hai kai ōꞌoku i te kiko ana taꞌe haka moe haka ꞌou tōꞌoku taina i tōꞌona manaꞌu ꞌi ruŋa i a Ietū, ꞌina ia a au e ko kai haka ꞌou.

1 Timoteo 4:1

Ko haka ꞌite riva-riva ꞌā e te ⌊Vārua Maitai⌋ pē nei ē: ka hāhine ena te ŋā mahana hopeꞌa era, tētahi taŋata e ko haŋa haka ꞌou mo haka roŋo ki te hāpī parautiꞌa o te ꞌAtua. Ka haka roŋo ena ki te hāpī reo-reo o te tātane

Meꞌe Haka Takeꞌa 2:14

’Ka ai atu pē ira, e ai rō ꞌā tāꞌaku ture māꞌau: ꞌi te kona ena e ai rō ꞌā te kōrua nuꞌu ko te maꞌu iŋa ꞌana i te haka tere iŋa era ꞌa ⌊Vārama⌋. O te kope nei, paꞌi, i hāpī i a Vāraka pē hē ana haka hara i te itaraera hai haka haŋu i a rāua mo kai i te kai tūtia ki te ꞌītoro ꞌe mo moe i te viꞌe ꞌe i te taŋata taꞌe he viꞌe ꞌo he kenu ꞌāꞌana.

Meꞌe Haka Takeꞌa 2:20

’Ka ai atu pē ira, e ai rō ꞌana tāꞌaku ture māꞌau: he haꞌaoromaꞌi ōꞌou i te viꞌe ko Hētāvere, viꞌe kī i a ia mau ꞌā he perofeta. Te viꞌe nei hai hāpī reo-reo ꞌāꞌana e haka haŋu ena i tōꞌoku tāvini mo moe i te viꞌe i te taŋata taꞌe he viꞌe ꞌo he kenu ꞌāꞌana ꞌe mo kai i te kai tūtia ki te ꞌītoro.