Ruka 16:31 - Rapa Nui

³¹ »He kī e ꞌAparahama: “Mo taꞌe haka roŋo ꞌe mo taꞌe haꞌatura i te meꞌe pāpaꞌi e Mōtē ꞌe e te perofeta, pē ira ꞌā ka taꞌe haka roŋo takoꞌa era ka ai atu he ora haka ꞌou te taŋata mai te mate”».

Ruka 16:31 ပူးပေါင်းရင်းမြစ်များ

Ruka 16:30

»He pāhono e tū ꞌono era: “E ko tano pē ira, e koro ē. Mo oho e tahi taŋata e ora haka ꞌou mai te mate mo vānaŋa ki a rāua, he haka roŋo ꞌe he ⌊huri te manaꞌu ki te ꞌAtua⌋”.

Ruka 17:1

He kī e Ietū ki tāꞌana nuꞌu hāpī: «ꞌI te ao nei e ko taꞌe ai te meꞌe mo uŋa i te taŋata a roto i te hara; ꞌe, ¡ko te ꞌaroha ꞌi te kope haka hara i te rua!

Iovani 5:47

ꞌE mo taꞌe haka moe o kōrua i te manaꞌu ꞌi ruŋa i te meꞌe pāpaꞌi e ia, ¿pē hē ia kōrua ana haka moe i te manaꞌu ꞌi ruŋa i te meꞌe kī atu e au?».

Aŋa o te ꞌĀpōtoro 19:8

ꞌI roto i te ꞌāvaꞌe e toru te aŋa ꞌa Pauro he oho ki te ⌊hare pure hūrio⌋, he haka ꞌite i te ⌊roŋo riva-riva o te ꞌAtua⌋ ꞌina he riꞌa-riꞌa. He vānaŋa ꞌe he tātake ananake ko te ŋāŋata o ira ꞌi te haŋa mo aŋi-aŋi e rāua o ruŋa i te ⌊haka tere iŋa ꞌāpī o te ꞌAtua⌋.

Aŋa o te ꞌĀpōtoro 26:28

He pāhono e ꞌAkiripa: —¿Kai roa hia koe i manaꞌu rō ai mo haka ⌊kiritiano⌋ i a au?

Aŋa o te ꞌĀpōtoro 28:23

He haꞌaꞌau ia a Pauro ananake ko tū nuꞌu era i te mahana mo piri haka ꞌou o rāua. I tuꞌu era ki rā mahana, he oho meꞌe rahi nuꞌu ki te hare ꞌi ira e noho era a Pauro. Mai te pōꞌā ki te ahi-ahi i vānaŋa ai a Pauro o ruŋa i te ⌊haka tere iŋa ꞌāpī o te ꞌAtua⌋. E uꞌi ꞌana mo haka aŋi-aŋi riva-riva ki rā nuꞌu o ruŋa i a Ietū hai meꞌe pāpaꞌi e ⌊Mōtē⌋ ꞌe e te perofeta.

2 Kōrinto 4:3

ꞌE mo ai o te meꞌe puru i te manaꞌu ꞌo aŋi-aŋi i te auraꞌa parautiꞌa o te roŋo riva-riva haka ꞌite e mātou, mo te nuꞌu taꞌe eꞌa mau nō mai roto i te ūtuꞌa o te hara ka ai ena.

2 Kōrinto 5:11

He moꞌa o mātou i te Kiritō ꞌe he haŋa mo haꞌatura ki a ia, e kimi nei a mātou i te rāveꞌa taꞌatoꞌa mo aŋi-aŋi e te nuꞌu i te roŋo parautiꞌa o te ꞌAtua, mo haka moe o rāua i te manaꞌu ꞌi ruŋa i a Ietū. Te ꞌAtua e ꞌite rō ꞌana e aŋa nei a mātou i te meꞌe nei hai māhatu maꞌitaki, ꞌe a mātou e haŋa rō ꞌā mo ꞌite takoꞌa e kōrua.