Ruka 16:21 - Rapa Nui

²¹ Te haŋa o rā veve he kai i te pārehe-rehe meꞌe vī-viri mai ruŋa i te ꞌamuramaꞌa o tū taŋata era. ꞌE te paiheŋa te aŋa he oho nō he amo-amo i tōꞌona ꞌeka-ꞌeka.

Ruka 16:21 ပူးပေါင်းရင်းမြစ်များ

Māteo 15:27

He kī e tū viꞌe era: —He aŋi ꞌā tāꞌau, e Ietū ē. Ka ai atu pē ira, te paiheŋa e kai takoꞌa rō ꞌā i te pārehe-rehe haraoa vī-viri mai ruŋa i te ꞌamuramaꞌa o te kope ꞌāꞌana rā ŋā paiheŋa.

Marko 7:28

He pāhono e rā viꞌe: —He aŋi ꞌā tāꞌau, e Ietū ē. Ka ai atu pē ira, te paiheŋa e kai takoꞌa rō ꞌā i te pārehe-rehe haraoa o raro o te ꞌamuramaꞌa haka mārere-rere e te ŋā poki.

Ruka 16:20

E ai takoꞌa rō ꞌana e tahi taŋata veve te ꞌīŋoa ko Rātaro, tōꞌona hakari e ꞌī rō ꞌana e te ꞌeka-ꞌeka, ꞌe ꞌi haho o te ꞌōpani o te hare o tū taŋata ꞌono era e haka rē era e tōꞌona repahoa.

Ruka 16:22

»He tuꞌu ki te mahana e tahi he mate tū ꞌōtare era, he maꞌu e te merahi ki te raŋi ki muri i a ⌊ꞌAparahama⌋. He mate takoꞌa tū taŋata ꞌono era. He maꞌu he tanu, ꞌe ꞌi roto i te pōꞌauahi i hopeꞌa ai. ꞌE mai roto i rā ꞌati i hārui ai te mata, he uꞌi ko ꞌAparahama ꞌi kōnui era, ꞌe ꞌi muri e noho rō ꞌā a Rātaro.

Iovani 6:12

I mākona tahi era, he kī e Ietū ki tāꞌana nuꞌu hāpī: «Ka runu tahi mai te pārehe-rehe topa ena ꞌo māuꞌa rō».

1 Kōrinto 4:11

ꞌĀtā ki ꞌaŋarīnā e ŋaroꞌa rō ꞌana e mātou te maruaki ꞌe te pohe ki te vai. E kore rō ꞌana te mātou kahu mo uru, e tōtōā rō mai ꞌana e te nuꞌu, e kore rō ꞌā te mātou kona mo noho

2 Kōrinto 11:27

ꞌI rā ŋā ara takoꞌa i rahi rō tāꞌaku aŋa ꞌe i rohi-rohi rō a au; i rahi rō te mahana ꞌina a au kai haꞌuru; ꞌi tōꞌona mahana i maruaki rō ꞌe i pohe rō ki te vai. I ai rō te mahana ꞌina a au kai kai, ꞌe kē mahana i takeꞌo rō ꞌi te kahu kore mo puꞌa.