Ruka 16:2 - Rapa Nui

² »He uŋa e rā taŋata ki tū tāvini era mo oho ꞌe he ꞌui: “¿He aha te meꞌe kī mai nei e te nuꞌu o ruŋa ōꞌou? Ka haka ꞌite tahi mai pē hē koe i haka tere ai i tōꞌoku hauhaꞌa. E ko aŋa haka ꞌou e koe i te aŋa era”.

Ruka 16:2 ပူးပေါင်းရင်းမြစ်များ

Māteo 12:36

ꞌĪ a au he kī atu: ꞌi te mahana o te ture hopeꞌa, e tahi e tahi ka kī ena ki te ꞌAtua i te tumu o tāꞌana vānaŋa taꞌe tano kī.

Māteo 20:8

»I pō era, he kī e rā taŋata ki te kope ko ia te pūꞌoko o te aŋa: “Ka kī ki te nuꞌu aŋa mo oho mai, ꞌe ꞌai ka ꞌauhau rō; ana haꞌamata mai te nuꞌu oꞌo hopeꞌa mai era ki te aŋa ꞌe ana haka oti a te nuꞌu oꞌo raꞌe era”.

Ruka 12:20

»He kī ia e te ꞌAtua: “Ko te maꞌa-maꞌa i a koe. ꞌArīnā mau nei ꞌā ꞌi te pō ka mate koe; ꞌe taꞌa meꞌe taꞌatoꞌa hāpaꞌo ena, ¿mā ꞌai ka hopeꞌa ena?”.

Ruka 12:42

He kī e Ietū: —E ai kōrua pa he tāvini haꞌatura ꞌe haka roŋo, haka pūꞌoko e te taŋata haka aŋa i a ia mo tuhaꞌa i te kai, ꞌi tōꞌona hora, ki te tētahi tāvini o te hare.

Ruka 16:1

He ꞌaꞌamu takoꞌa e Ietū i te ꞌaꞌamu haꞌaauraꞌa nei ki tāꞌana nuꞌu hāpī: «He taŋata ꞌono e tahi e ai rō ꞌana ōꞌona tāvini he pūꞌoko haka tere o tōꞌona hauhaꞌa. He kī e te nuꞌu: “Tuꞌu tāvini haka tere hauhaꞌa e tākere rō ꞌana i tuꞌu hauhaꞌa”.

Ruka 16:3

»He noho ia rā tāvini he manaꞌu: “¿He aha tāꞌaku meꞌe ka aŋa nei ka haka eꞌa nei i a au mai te aŋa? ꞌIna ōꞌoku haŋu toe mo aŋa i te aŋa paŋahaꞌa, ꞌe he haꞌamā au mo oho mo noꞌi-noꞌi.

Rōmano 14:12

Pē ira, e tahi e tahi o tātou ka kī ena i tāꞌana meꞌe i aŋa ki te ꞌAtua.

1 Kōrinto 1:11

E kī atu ena a au i te meꞌe nei, e te taina ē, he ꞌite ōꞌoku, mai te huaꞌai o Kōroe, e tātake rō ꞌana kōrua ꞌi roto i a kōrua ꞌā.

1 Kōrinto 4:2

Ko ꞌite ꞌana e kōrua: te taŋata ki a ia e vaꞌai ena i te aŋa e haka tano tahi i te meꞌe kī mo aŋa.

1 Kōrinto 4:5

ꞌO ira, e haka kore te kōrua kī i te tano ꞌe i te taꞌe tano o te meꞌe aŋa e te rua. Ki tiaki tātou ki te hoki iŋa mai o te Kiritō. Māꞌana e haka ꞌite mai i te manaꞌu o te taŋata taꞌe ꞌite e te rua ꞌe he haka aŋi-aŋi mai he aha i manaꞌu ai pē ira. ꞌI rā hora e ture rō ꞌe e haꞌahana-hana rō e te ꞌAtua i te taꞌatoꞌa tano ki te rāua meꞌe i aŋa.

2 Kōrinto 5:10

A tātou taꞌatoꞌa, paꞌi, hoko tahi hoko tahi ka māroa ena ꞌi muꞌa o te ⌊Kiritō⌋, mo kī mai e ia i te tano ꞌe i te taꞌe tano o te tātou meꞌe aŋa, ꞌe mo vaꞌai mai e ia i te meꞌe tano ki te huru o te meꞌe i aŋa ꞌi te hora e noho nō ꞌā hai hakari nei, ka ai atu he meꞌe riva-riva ꞌo he meꞌe taꞌe tano te meꞌe i aŋa.

1 Timoteo 4:14

E Timoteo, e haka hio-hio e oho koe ꞌi te aŋa o te ꞌAtua hai meꞌe hauhaꞌa vaꞌai atu era e ia ꞌi te hora haka topa atu era i te rima a ruŋa i tuꞌu pūꞌoko e te ŋā kope pūꞌoko haka tere era koia ko kī atu i tāꞌana roŋo hai Vārua Maitai.

1 Timoteo 5:24

Ana haꞌataꞌa koe i te taŋata mo te aŋa o te ꞌAtua, ꞌina ko rehu i a koe: te hara o te tētahi nuꞌu e ꞌite rō ꞌana e tātou ka ai atu kai ture ia, ꞌe te hara o te tētahi atu nuꞌu e ture e ꞌite iho ena e tātou.

1 Pētero 4:10

Hai meꞌe vaꞌai atu e te ꞌAtua mo aŋa i tāꞌana aŋa, e hāꞌūꞌū ki te rua, pa he nuꞌu ꞌite i te haka tere riva-riva i te rauhuru meꞌe vaꞌai e ia.

1 Pētero 4:5

Ka ai atu pē ira, pe muꞌa ka oho ena, ka taꞌe haŋa atu e rāua, e kī tahi nō i te rāua meꞌe i aŋa ki te kope māꞌana e ture i te nuꞌu ora ꞌe i te nuꞌu mate.

Meꞌe Haka Takeꞌa 20:12

He uꞌi atu ia a au i te nuꞌu mate, ka hōnui ꞌe ka taꞌe hōnui, e māroa rō ꞌana ꞌi muꞌa o tū pepe noho ꞌariki era. I oho era he mātaki-taki i te puka ꞌe i te puka takoꞌa era ꞌi ruŋa e pāpaꞌi rō ꞌā te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. He ture ia i te nuꞌu mate tano ki te rāua meꞌe i aŋa pāpaꞌi ꞌi ruŋa i rā ŋā puka.