Ruka 16:17 - Rapa Nui

¹⁷ »Ka ai atu pē ira, ꞌi raꞌe te raŋi ꞌe te henua ana ŋaro, ki te ŋaro o te vānaŋa hopeꞌa o te ꞌiti-ꞌiti o ruŋa o te roŋo o te ꞌAtua pāpaꞌi e Mōtē.

Ruka 16:17 ပူးပေါင်းရင်းမြစ်များ

Māteo 5:18

ꞌĪ a au he kī atu i te parautiꞌa: mo ai nō o te raŋi ꞌe o te henua, ꞌina e tahi tiꞌaraꞌa ka hopeꞌa atu te ꞌiti-ꞌiti o ruŋa i te haka tere iŋa o te ꞌAtua mo haka kore ꞌātā ka haka tano tahi rō te meꞌe hāꞌaki o ruŋa.

Ruka 21:33

E kore rō te raŋi ꞌe te henua, ꞌe tāꞌaku vānaŋa nei e ko ŋaro; e tano tahi rō.

Rōmano 3:31

Mo tano ia te taŋata ki te mata o te ꞌAtua hai haka moe mau nō i te manaꞌu ꞌi ruŋa i a Ietū, ¿ka kī ꞌō ia ꞌina he hauhaꞌa toe o te haka tere iŋa ꞌa Mōtē? ¡Taꞌe pē ira! E hauhaꞌa rō ꞌana ꞌi te meꞌe era hai haka moe i te manaꞌu ꞌi ruŋa i a Ietū e ravaꞌa iho ena e tātou mo haꞌatura i rā haka tere iŋa.

1 Pētero 1:25

ꞌe te vānaŋa o te ꞌAtua e ko ŋaro ki te hora hopeꞌa». ꞌE nei vānaŋa he ⌊roŋo riva-riva o ruŋa i a Ietū Kiritō⌋ haka ꞌite atu ki a kōrua.

2 Pētero 3:10

Ka ai atu pē ira, te mahana o te hoki iŋa mai o te tātou Pūꞌoko Haka Tere ko Ietū Kiritō pa he toke-toke ꞌā ka tuꞌu mai ena. E ŋaroꞌa rō i te heruru taparahi-taꞌata, ꞌe e ŋaro rō te raŋi. ꞌE te raꞌā, te hetuꞌu, te māhina, ꞌe te henua koia ko te meꞌe taꞌatoꞌa o ruŋa he vera tahi ꞌi te ahi.

Meꞌe Haka Takeꞌa 20:11

He takeꞌa e au i te pepe noho ꞌariki tea-tea e tahi ꞌe i te kope noho ꞌi ruŋa. ꞌI te nui-nui ꞌe ꞌi te ꞌana-ꞌana ōꞌona, he ŋaro te henua ꞌe te raŋi mai muꞌa i a ia, ꞌe ꞌina kai takeꞌa haka ꞌou mai.

Meꞌe Haka Takeꞌa 21:1

I oti era he takeꞌa e au i te raŋi ꞌāpī ꞌe i te henua ꞌāpī e tahi; te raŋi ꞌe te henua raꞌe era, paꞌi, ko haka kore ꞌā ꞌe pē ira takoꞌa ꞌā te vaikava.

Meꞌe Haka Takeꞌa 21:4

He haroꞌi tahi e ia i te rāua matavai. He kore ia te mate, te taŋi, te mamae, ꞌe e ko ꞌau-auē haka ꞌou, ꞌi te meꞌe era te haka tere iŋa o te ao raꞌe era ko kore tahi ꞌana».