Ruka 16:16 - Rapa Nui

¹⁶ »Hai roŋo o te ꞌAtua pāpaꞌi e ⌊Mōtē⌋ ꞌe e te perofeta te taŋata e haka tere era i a rāua ꞌātā ki te hora o Iovani Papatito. Mai rā hora e haka ꞌite e oho nei i te parau ꞌāpī riva-riva o ruŋa o te ⌊haka tere iŋa ꞌāpī o te ꞌAtua⌋, ꞌe nuꞌu rahi te nuꞌu haŋa mo oꞌo o rāua ki roto o rā haka tere iŋa ꞌe mo haka tere i a rāua e te ꞌAtua.

Ruka 16:16 ပူးပေါင်းရင်းမြစ်များ

Māteo 10:7

»Ka oho ka haka ꞌite: “Te ⌊haka tere iŋa ꞌāpī o te ꞌAtua⌋ nā ko hāhine mai ꞌā”.

Māteo 15:11

Taꞌe hai meꞌe oꞌo a roto i te haha e haka taꞌe tano ena i te taŋata ki te mata o te ꞌAtua, hai meꞌe kī eꞌa mai roto i te haha.

Māteo 21:32

A Iovani Papatito, paꞌi, i oho mai ai mo hāpī atu pē hē kōrua ana tano ki te mata o te ꞌAtua ꞌe ꞌina e kōrua kai haka roŋo. O te nuꞌu haka ꞌauhau i te taŋata hai moni mo te rōmano ꞌe o te ŋā viꞌe taiꞌo i haka roŋo ꞌe i haꞌatura. ꞌE, ka ai atu i takeꞌa rō e kōrua i te meꞌe taꞌatoꞌa nei, ꞌina kōrua kai huri te manaꞌu ki ruŋa i te ꞌAtua, ꞌe mo kōrua te meꞌe kī e Iovani taꞌe he parautiꞌa.

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Māteo 4:17

Mai rā hora he haꞌamata a Ietū he tātara: «Ka huri te kōrua manaꞌu ki te ꞌAtua; ko hāhine mai ꞌana te haka tere iŋa ꞌāpī ōꞌona».

Māteo 4:23

A te kona taꞌatoꞌa o Karirea e haꞌere e oho era a Ietū, e hāpī ꞌana ꞌi roto i te ⌊hare pure hūrio⌋ taꞌatoꞌa o rā ŋā kona. E haka ꞌite ꞌana i te parau ꞌāpī riva-riva o te ⌊haka tere iŋa ꞌāpī o te ꞌAtua⌋ ꞌe e haka ora ꞌā i te māui-ui taꞌatoꞌa.

Marko 1:14

I puru era ꞌi roto i te hare maꞌuꞌaurī e ⌊ꞌErore⌋ i a Iovani, he hoki a Ietū ki Karirea he haꞌamata he haka ꞌite i te ⌊roŋo riva-riva o te ꞌAtua⌋.

Marko 1:45

Kai mou rā kope; i ꞌaꞌamu nō ki te taꞌatoꞌa. ꞌO ira ꞌina he tano haka ꞌou a Ietū mo tuꞌu ki te kona nūnaꞌa hare e ꞌite rō ꞌana e te nuꞌu ꞌo putu-putu ꞌi muri. Te aŋa ia ꞌa Ietū he noho a te kona ꞌina he rahi e te taŋata. ꞌE, ka ai atu pē ira, ko te tuꞌu iŋa ꞌā ki a ia te nuꞌu mai te kona taꞌatoꞌa.

Ruka 10:11

“¡Te puŋaꞌehu o te kona nei puhia mai ki ruŋa i te mātou vaꞌe ꞌī e mātou he tū-tū mo ꞌite e kōrua pē nei ē: te ūtuꞌa o te ꞌAtua ka topa atu ena, i a kōrua ꞌā! ꞌE, e ꞌite takoꞌa: te haka tere iŋa ꞌāpī o te ꞌAtua nā ko hāhine mai ꞌana”.

Ruka 10:9

E haka ora te nuꞌu māui-ui o nā kona ꞌe ꞌai ka kī rō: “Te haka tere iŋa ꞌāpī o te ꞌAtua nā ko hāhine mai ꞌā”.

Ruka 16:29

»He kī e ꞌAparahama: “Te meꞌe pāpaꞌi e Mōtē ꞌe e te perofeta e taiꞌo rō ꞌā ꞌi roto i te hare pure paurō te ⌊mahana haka ora⌋: ¡e haka roŋo ꞌe ꞌai ka haꞌatura rō!”.

Ruka 16:31

»He kī e ꞌAparahama: “Mo taꞌe haka roŋo ꞌe mo taꞌe haꞌatura i te meꞌe pāpaꞌi e Mōtē ꞌe e te perofeta, pē ira ꞌā ka taꞌe haka roŋo takoꞌa era ka ai atu he ora haka ꞌou te taŋata mai te mate”».

Ruka 9:2

He uŋa mo haka ꞌite o ruŋa o te ⌊haka tere iŋa ꞌāpī o te ꞌAtua⌋ ꞌe mo haka ora i te nuꞌu māui-ui.

Iovani 1:45

He eꞌa he oho a Feripe ki a Natanaera ꞌe he kī: —Ko ꞌite ꞌana a mātou, ꞌi te hora nei, ko ai te kope haka ꞌite mai era e Mōtē ꞌi ruŋa i te ŋā puka pāpaꞌi era e ia, ꞌe haka ꞌite takoꞌa mai era e te perofeta. Ko Ietū rā kope, he poki ꞌa ⌊Kōsē⌋ era o Nātāreta.

Iovani 11:48

Mo haka rē nō o tātou mo aŋa mo oho i tāꞌana meꞌe ena e aŋa mai ena, te taŋata taꞌatoꞌa he haka moe i te manaꞌu ꞌi ruŋa i a ia, ꞌe te nuꞌu ra-rahi o te rōmano he oho mai he haka marere i te tātou ⌊Kona Haꞌamuri ꞌAtua⌋ ꞌe he haka kore i te tātou haka tere iŋa.

Iovani 12:19

He kī e te ⌊fariseo⌋ ki a rāua ꞌana: «Ko ꞌati ꞌana a tātou. ꞌIna he meꞌe toe o tātou mo aŋa ꞌo oho tahi te taŋata ꞌi muri i a ia».

Iovani 5:4

Te kī: e topa rō ꞌana te merahi ꞌi tōꞌona hora mo haka mākenu-kenu i rā vai, ꞌe te kope raꞌe mo oꞌo ki roto ki oti te haka makenu he ora tōꞌona māui-ui.]

Aŋa o te ꞌĀpōtoro 3:18

Pē ira te ꞌAtua i haka tano ai i te meꞌe kī ꞌi muꞌa ꞌā ki tāꞌana perofeta taꞌatoꞌa mo haka ꞌite: tāꞌana Kiritō e mate rō.