Ruka 16:15 - Rapa Nui

¹⁵ He kī e Ietū ki rā nuꞌu: «A kōrua e haka takeꞌa ena ki te taŋata he nuꞌu aŋa i te meꞌe tī-tika. Ka ai atu pē ira, te ꞌAtua ko ꞌite riva-riva ꞌā i te huru o te kōrua manaꞌu. E rahi rō ꞌā, paꞌi, te meꞌe, ki te manaꞌu taŋata, he meꞌe hopeꞌa o te riva-riva, ꞌe ki te mata o te ꞌAtua, he meꞌe hopeꞌa o te rake-rake.

Ruka 16:15 ပူးပေါင်းရင်းမြစ်များ

Māteo 23:5

Te meꞌe taꞌatoꞌa aŋa e rāua mo takeꞌa nō e te taŋata. ꞌE te meꞌe haŋa rahi mo aŋa he ꞌata haka nui-nui i te ꞌavahata here ꞌi ruŋa i te tira ꞌe i te rima ꞌi roto te parau pāpaꞌi hai meꞌe o ruŋa i te ⌊Pāpaꞌi Moꞌa⌋. ꞌE te meꞌe haŋa takoꞌa he uru i te kahu ko kumi ko kumi te vere-vere,

Māteo 6:16

»Hora ena o kōrua mo tapu i te kai mo haꞌamuri ki te ꞌAtua, ꞌina ko haka topa te ꞌāriŋa pa he nuꞌu riva a te haho nō haka tuꞌu i te rāua ꞌāriŋa pa he ꞌāriŋa haka ꞌaroha mo ꞌite e te taŋata e tapu ꞌana a rāua i te kai. ꞌĪ a au he kī atu: he ꞌite mau nō era o te nuꞌu te meꞌe o rāua mo ravaꞌa, taꞌe ꞌō he meꞌe vaꞌai e te ꞌAtua mo haka koa.

Māteo 6:2

»ꞌO ira, hora ena ōꞌou mo hāꞌūꞌū ki te nuꞌu veve, ꞌina ko haka ꞌite ki te tētahi, pa he meꞌe aŋa ꞌi roto i te ⌊hare pure hūrio⌋ ꞌe ꞌi te ara e te nuꞌu riva a te haho nō mo takeꞌa e te nuꞌu mo vānaŋa riva-riva o ruŋa i a rāua. ꞌĪ a au he kī atu: he vānaŋa riva-riva o te nuꞌu te meꞌe mau nō mo haka koa i a rāua.

Māteo 6:5

»Hora era o kōrua mo pure, ꞌina ko ai pa he nuꞌu riva a te haho nō, te meꞌe haŋa o rāua he māroa he pure ꞌi roto i te hare pure hūrio ꞌe ꞌi te pini o te ara mo takeꞌa e te taŋata. ꞌĪ a au he kī atu: he mātaꞌi-taꞌi o te taŋata te meꞌe mau nō mo haka koa i a rāua.

Ruka 10:29

ꞌE, ꞌi te haŋa o tū kope era mo haka takeꞌa i a ia pa he taŋata tano, he ꞌui ki a Ietū: —¿Ko ai hō te rua taŋata mo haŋa e au?

Ruka 11:39

He kī ia e Ietū: —A kōrua te fariseo e haka tuꞌu rō ꞌana pa he nuꞌu tano ki te mata o te ꞌAtua, ꞌe te parautiꞌa, te kōrua roto e ꞌī rō ꞌā e te meꞌe ꞌino ꞌe e te pohe mo toke, pa he hapaina ꞌo pa he mareti tata e kōrua a te haho nō.

Ruka 18:11

»He māroa rā fariseo he pure a roto i a ia ꞌā: “E te ꞌAtua ē, he māuru-uru atu a au ꞌo te taꞌe ai ōꞌoku pa he tētahi nuꞌu: he toke-toke, he taparahi-taꞌata, he taiꞌata; ꞌe, takoꞌa, ꞌo te taꞌe ai ōꞌoku pa he taŋata era ai, haka ꞌauhau i te nuꞌu hai moni mo te rōmano.

Ruka 18:14

»ꞌĪ a au he kī atu: te taŋata haka ꞌauhau era i te nuꞌu hai moni mo te rōmano, i hoki era ki tōꞌona hare, ko haka kore tahi ꞌana e te ꞌAtua i tōꞌona hara, ꞌe te taŋata fariseo era, kai haka kore e te ꞌAtua i te hara. Te taŋata haka paka i a ia, pe muꞌa ka oho ena, e haka ka-kata ꞌe e haka haꞌamā rō; ꞌe te taŋata taꞌe haka paka i a ia, pe muꞌa ka oho ena, e haka hōnui rō».

Ruka 18:21

He kī e rā taŋata: —Te ŋā meꞌe taꞌatoꞌa ena ko aŋa ko oho mai era ꞌā e au mai tōꞌoku ꞌāpī iŋa ꞌana.

Ruka 18:9

He ꞌaꞌamu takoꞌa e Ietū i te ꞌaꞌamu haꞌaauraꞌa nei mo te nuꞌu manaꞌu ko rāua nō te nuꞌu aŋa i te meꞌe tī-tika ki te mata o te ꞌAtua ꞌe te tētahi nuꞌu ꞌina:

Ruka 20:20

He uŋa e tū nuꞌu ra-rahi era o te hūrio i te ŋāŋata, e haka tuꞌu rō ꞌana pa he ŋāŋata riva, haka ꞌui ki a Ietū mo uꞌi i te rāveꞌa mo kī e Ietū i te vānaŋa taꞌe tano mo te rāua haka tere iŋa; pē ira he ravaꞌa e rāua i te ꞌōtohe mo ꞌa-ꞌaru ꞌe mo vaꞌai ki te rima o te suerekao rōmano mo haka ūtuꞌa.

Ruka 20:47

He hiko nō te aŋa i te hare o te ŋā viꞌe hove mo rāua, ꞌe mo naꞌa i rā meꞌe taꞌe tano aŋa era e rāua, he haka roa-roa te pure iŋa ꞌi muꞌa o te taŋata mo haka tuꞌu i a rāua pa he nuꞌu riva. ꞌĪ a au he kī atu: ꞌata paŋahaꞌa te ūtuꞌa ka topa ena ki rā ŋā nuꞌu».

Iovani 2:25

Mo Ietū e topa nō ꞌā te meꞌe ena he kī ōꞌou o ruŋa i te huru o te taŋata. Ko ꞌite riva-riva ꞌana, paꞌi, pē hē te rāua māhatu.

Iovani 21:17

He ꞌui haka ꞌou ia e Ietū: —E Tīmona, e te poki ꞌa Iovani ē, ¿e haŋa rō mai ꞌana koe? He oꞌo te māui-ui ꞌi roto i te māhatu o Pētero ꞌo te ꞌui haka ꞌou o Ietū i tū vānaŋa era, ꞌe he pāhono: —E Ietū, e ꞌite tahi rō ꞌana a koe i te meꞌe, ꞌe ko ꞌite takoꞌa ꞌana koe e haŋa rō atu ꞌana a au. He kī haka ꞌou e Ietū: —E hāpaꞌo koe i tāꞌaku māmoe.

Aŋa o te ꞌĀpōtoro 1:18

(Hai moni ꞌauhau o te meꞌe taꞌe tano aŋa e ia i hoꞌo ai i te henua e tahi. ꞌE mai te kona ruŋa nui o ira i viri ai hai pūꞌoko ꞌe he ŋāꞌaha-ꞌaha tahi te kōkoma ki haho.

Aŋa o te ꞌĀpōtoro 1:24

He pure ia ananake: «E te ꞌAtua ē, ko koe i ꞌite i te huru o te māhatu o te taŋata taꞌatoꞌa. Ka haka ꞌite mai koe ko ai o roto o te ŋāŋata nei e rua i haŋa e koe

Aŋa o te ꞌĀpōtoro 15:8

Te ꞌAtua, meꞌe ꞌite i te huru o te māhatu o te taŋata, ko haka takeꞌa ꞌana, paꞌi, i tōꞌona haŋa ki a rāua hai vaꞌai i te ⌊Vārua Maitai⌋, pa he vaꞌai iŋa mai era ki a tātou.

Rōmano 3:20

ꞌIna e tahi kope mo tano ki te mata o te ꞌAtua hai haꞌatura ki te ⌊haka tere iŋa ꞌa Mōtē⌋ ꞌi te meꞌe era e ko ravaꞌa te haka tere iŋa era mo haꞌatura tahi. Te ꞌAtua i vaꞌai mai ai i rā roŋo mo haka ꞌite mai: a tātou taꞌatoꞌa he nuꞌu hara.

Rōmano 8:27

ꞌE, te ꞌAtua, kope ꞌite i te huru o te māhatu o te taŋata, ko ꞌite ꞌana he aha te meꞌe ani e te Vārua Maitai ꞌo te ai e ani ꞌana e te Vārua Maitai ki te meꞌe haŋa e te ꞌAtua mo te taŋata haka moe i te manaꞌu ꞌi ruŋa i a Ietū.

1 Kōrinto 4:5

ꞌO ira, e haka kore te kōrua kī i te tano ꞌe i te taꞌe tano o te meꞌe aŋa e te rua. Ki tiaki tātou ki te hoki iŋa mai o te Kiritō. Māꞌana e haka ꞌite mai i te manaꞌu o te taŋata taꞌe ꞌite e te rua ꞌe he haka aŋi-aŋi mai he aha i manaꞌu ai pē ira. ꞌI rā hora e ture rō ꞌe e haꞌahana-hana rō e te ꞌAtua i te taꞌatoꞌa tano ki te rāua meꞌe i aŋa.

1 Pētero 3:4

E ai hai meꞌe o roto i te māhatu, pa he huru riva ꞌe haumārū, he nehe-nehe taꞌe ŋaro ki te hora hopeꞌa. Te nehe-nehe tuꞌu pē nei e hauhaꞌa rahi rō ꞌā ki te ꞌAtua.

1 Pētero 5:5

ꞌE a kōrua, e te ŋā poki ꞌāpī ē, e haꞌatura ki te kōrua nuꞌu pūꞌoko haka tere. ꞌI roto i a kōrua i te nuꞌu haka moe i te manaꞌu ꞌi ruŋa i a Ietū ꞌina ko ai e tahi kope manaꞌu i hau rō atu a ia ki te rua ꞌo te ai: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».