Ruka 15:7 - Rapa Nui

⁷ »ꞌĪ a au he kī atu: ꞌata hau rō atu te koa ꞌi te raŋi mo te taŋata hara e tahi huri i tōꞌona manaꞌu ki te ꞌAtua ki te iva ꞌahuru mā iva taŋata manaꞌu e tano rō ꞌana a rāua ki te mata o te ꞌAtua.

Ruka 15:7 ပူးပေါင်းရင်းမြစ်များ

Māteo 18:13

ꞌE mo ravaꞌa, ꞌata hau rō atu te koa ki rā māmoe ki te ŋā māmoe taꞌe ŋaro era e iva ꞌahuru mā iva.

Māteo 3:8

Ka haka tī-tika te kōrua noho iŋa ki takeꞌa ai he parautiꞌa mau ꞌā ko huri ꞌana te kōrua manaꞌu ki te ꞌAtua.

Ruka 15:10

»ꞌĪ a au he kī atu: pē ira takoꞌa ꞌana ka koa ena te merahi o te ꞌAtua mo te kope hara huri o te manaꞌu ki te ꞌAtua».

Ruka 15:29

He kī e tū poki ꞌatariki era: “E koro, ka hia ōꞌoku matahiti e aŋa nō atu ena, ꞌina kai pātoꞌi atu ꞌā, ꞌe kai vaꞌai mai ꞌana koe korohaŋa e tahi vato-vato mo aŋa o te ŋoŋoro ananake mātou ko tōꞌoku repahoa.

Ruka 15:32

E tano nō ꞌā i aŋa nei i te ŋoŋoro mo koa o tātou ꞌo te hoki haka ꞌou mai o tuꞌu taina. A ia i tuꞌu rō pa he meꞌe ko mate ꞌā ꞌe ꞌī ko ora haka ꞌou mai ꞌana; ko ŋaro ꞌā ꞌe ꞌī ko ravaꞌa haka ꞌou mai ꞌana”».

Ruka 15:6

Ki tuꞌu ki tōꞌona hare, he haka taka-taka i tōꞌona repahoa he kī: “Ki koa tātou; ko ravaꞌa haka ꞌou mai ꞌana e au tū māmoe ŋaro era”.

Ruka 15:8

»E tahi ꞌaꞌamu haka ꞌou nei. Mo ai e tahi viꞌe e ai rō ꞌā e hoꞌe ꞌahuru tara ꞌaurī ꞌe he ŋaro e tahi, ¿e ko taꞌe haka pura hō i te hakariꞌi mo haka māꞌeha ꞌe ꞌai ka purumu ꞌi te kona taꞌatoꞌa o roto i te hare ꞌātā ka ravaꞌa rō rā tara?

Ruka 16:15

He kī e Ietū ki rā nuꞌu: «A kōrua e haka takeꞌa ena ki te taŋata he nuꞌu aŋa i te meꞌe tī-tika. Ka ai atu pē ira, te ꞌAtua ko ꞌite riva-riva ꞌā i te huru o te kōrua manaꞌu. E rahi rō ꞌā, paꞌi, te meꞌe, ki te manaꞌu taŋata, he meꞌe hopeꞌa o te riva-riva, ꞌe ki te mata o te ꞌAtua, he meꞌe hopeꞌa o te rake-rake.

Ruka 5:32

A au i oho mai ai taꞌe ki te nuꞌu taꞌe hara; ki te nuꞌu hara a au i oho mai ai mo haka huri i te manaꞌu ki te ꞌAtua.

Rōmano 7:9

ꞌI te hora kai ꞌite ꞌana a au o ruŋa i te haka tere iŋa ꞌa Mōtē e riva-riva rō ꞌana a au e noho era, ki tōꞌoku manaꞌu. ꞌE, i ꞌite era a au o ruŋa, ꞌi rā hora i aŋi-aŋi iho ai e au he taŋata hara ꞌō tū au era