Ruka 15:6 - Rapa Nui

⁶ Ki tuꞌu ki tōꞌona hare, he haka taka-taka i tōꞌona repahoa he kī: “Ki koa tātou; ko ravaꞌa haka ꞌou mai ꞌana e au tū māmoe ŋaro era”.

Ruka 15:6 ပူးပေါင်းရင်းမြစ်များ

Ruka 1:58

Te huaꞌai o Itapera ꞌe te nuꞌu o te hare taꞌatoꞌa hāhine ki te hare ōꞌona, i ꞌite era pē hē te ꞌAtua i haka takeꞌa ai i tōꞌona riva rahi ki a Itapera, he koa tahi rō ꞌai.

Ruka 15:10

»ꞌĪ a au he kī atu: pē ira takoꞌa ꞌana ka koa ena te merahi o te ꞌAtua mo te kope hara huri o te manaꞌu ki te ꞌAtua».

Ruka 15:24

Tāꞌaku poki nei, paꞌi, i tuꞌu rō pa he meꞌe ko mate ꞌā ꞌe ꞌī ko ora haka ꞌou mai ꞌana; ko ŋaro ꞌā ꞌe ꞌī ko ravaꞌa haka ꞌou mai ꞌana”. »ꞌE he haꞌamata rō ꞌai te ŋoŋoro.

Ruka 15:5

ꞌE, ka ravaꞌa era, he toꞌo rō atu ꞌai te koa, he ꞌamo ki te tuaꞌivi he maꞌu he oho.

Ruka 15:7

»ꞌĪ a au he kī atu: ꞌata hau rō atu te koa ꞌi te raŋi mo te taŋata hara e tahi huri i tōꞌona manaꞌu ki te ꞌAtua ki te iva ꞌahuru mā iva taŋata manaꞌu e tano rō ꞌana a rāua ki te mata o te ꞌAtua.

Iovani 15:14

Mo aŋa kōrua i tāꞌaku meꞌe nei e kī atu ena, he repahoa parautiꞌa mau ꞌā kōrua ōꞌoku.

Iovani 3:29

»ꞌI te ŋoŋoro hāipo-ipo, paꞌi, te taŋata i a ia te viꞌe mo hāipo-ipo ko ia te meꞌe ka hāipo-ipo era. ꞌE te repahoa o muri, ka ŋaroꞌa era i te reꞌo o rā kope e hāipo-ipo ꞌana, he toꞌo te koa. Pē ira takoꞌa tōꞌoku koa mo rahi o te taŋata oho ki a ia.

Aŋa o te ꞌĀpōtoro 11:23

I tuꞌu era he takeꞌa pē hē i haꞌamaitai ai e te ꞌAtua i rā nuꞌu. He toꞌo rō atu ꞌai te koa ꞌe he haka haŋu he oho i rā nuꞌu mo haka hio-hio mo oho nō i te manaꞌu ꞌi ruŋa i a Ietū.

Aŋa o te ꞌĀpōtoro 15:3

Te nuꞌu uŋa nei e te taina o Antiokia, i vari era a te kona o Fenitia ꞌe o ⌊Tāmāria⌋, he ꞌaꞌamu he oho pē hē te nuꞌu taꞌe he hūrio i haka rē ai i te rāua haka tere iŋa mo haka moe i te manaꞌu ꞌi ruŋa i a Ietū. He koa rō atu ꞌai te taina taꞌatoꞌa ꞌi tū parau ꞌāpī era.

Fīripo 1:4

ꞌe hai koa a au e pure nei mo kōrua taꞌatoꞌa.

Fīripo 2:17

Pa he tūtia vaꞌai e kōrua ki te ꞌAtua mo koa ōꞌona te ꞌati e ꞌamo ena e kōrua ꞌo te ⌊haka moe i te manaꞌu⌋ ꞌi ruŋa i a Ietū ꞌe ꞌo te aŋa o kōrua ki a ia. ꞌE mo haŋa o te ꞌAtua mo ꞌāmui i tōꞌoku mate ki te tūtia vaꞌai e kōrua ki a ia, pa he huri iŋa i te manu tūtia hai vino, e koa nō a au, pa he koa iŋa nei ōꞌoku mo kōrua.

Fīripo 4:1

ꞌO ira, e te taina ē, e uꞌi e haka noho e oho te kōrua manaꞌu ꞌi ruŋa i a Ietū. E manaꞌu rahi rō atu ꞌana a au ki a kōrua, e haŋa rahi rō atu ꞌā, ꞌe hai kōrua a au e koa nei.

1 Tētārōnika 2:19

Ka ai atu pē ira, ko te haŋa iŋa ꞌana a mātou mo hoki atu, he ꞌite o mātou he haka moe he oho mau rō ꞌai kōrua i te manaꞌu ꞌi ruŋa i a Ietū. Te meꞌe nei he koa e tahi mo mātou. ꞌE ꞌi te hora o tātou ka tuꞌu ena ki muꞌa o te tātou Pūꞌoko Haka Tere ko Ietū Kiritō, ꞌi te mahana o tōꞌona hoki iŋa mai, he koa a mātou mo kōrua ꞌe mo te hauhaꞌa o te mātou aŋa ꞌi roto i a kōrua.

1 Pētero 2:10

ꞌI muꞌa ꞌana taꞌe kōrua he nuꞌu o te ꞌAtua, ꞌe hora nei he nuꞌu ꞌāꞌana; ꞌi muꞌa ꞌā kai ŋaroꞌa e kōrua i te riva rahi o te ꞌAtua, ꞌe hora nei e ŋaroꞌa rō ꞌana e kōrua.

1 Pētero 2:25

ꞌI muꞌa ꞌā, paꞌi, e haꞌere era a tātou pa he māmoe ko ŋaro ꞌana, ꞌe, hora nei, ko hoki tahi ꞌana ki te Kiritō, kope hāpaꞌo mai i a tātou pa he taŋata hāpaꞌo māmoe.