Ruka 15:15 - Rapa Nui

¹⁵ He oho he no-noꞌi hai aŋa ki te taŋata e tahi o tū kona era. He uŋa e rā taŋata ki ꞌuta mo hāpaꞌo i te oru.

Ruka 15:15 ပူးပေါင်းရင်းမြစ်များ

Māteo 7:6

»ꞌIna kōrua ko hāpī ko oho i te vānaŋa moꞌa o te ꞌAtua ki te nuꞌu te rāua aŋa nō he taꞌe haŋa mo haka roŋo ki rā vānaŋa. A rāua pa he paiheŋa taehae ꞌā, ka hoa atu hai meꞌe hauhaꞌa, e ŋau nō atu i a kōrua. A rāua takoꞌa pa he oru ꞌā, ka hoa atu hai meꞌe hauhaꞌa pa he poe, e rei-rei nō.

Ruka 15:13

»Kai rahi hia te mahana, he hoꞌo e te poki haŋupotu i tōꞌona hauhaꞌa, ꞌe hai rā moni i oho ai ki te rua henua. ꞌI ira i noho i tākere tahi ai ki te meꞌe taꞌe tano.

Ruka 15:14

»Ka pau te moni o rā poki, ka topa ꞌi rā henua te ꞌati nui-nui, he kai kore. He haꞌamata tū poki era he maruaki.

Ruka 15:16

ꞌE, ꞌi te taꞌe vaꞌai e te nuꞌu o ira hai kai, he pohe mo kai i te kai o te oru.

Rōmano 6:22

A kōrua ꞌi te hora nei taꞌe he tāvini toe o te hara, he tāvini o te ꞌAtua. Te meꞌe nei mo te kōrua riva-riva mau ꞌā; pē ira he tano he oho te kōrua noho iŋa ki te mata o te ꞌAtua, ꞌe, ꞌi te hora hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e ia.

Tito 3:3

A tātou, ꞌi raꞌe ki te haka moe i te manaꞌu ꞌi ruŋa i a Ietū, i ai takoꞌa rō he taŋata taꞌe haka topa riva-riva i te manaꞌu, haka ꞌāriŋa, oho a te ara taꞌe tano, aŋa i te meꞌe rake-rake pohe e te hakari ꞌe rauhuru haka ꞌou atu meꞌe taꞌe tano reka mai ki a tātou. E noho era ꞌi roto i te mākota, ꞌe ꞌina he haŋa ki te tētahi ꞌe pē ira ꞌana te tētahi ki a tātou.