Ruka 14:7 - Rapa Nui

⁷ I uꞌi era e Ietū i te nuꞌu e rotu ꞌana i te pepe noho o te nuꞌu hōnui ꞌi tū kona ꞌamuramaꞌa era, he kī pē nei ē:

Ruka 14:7 ပူးပေါင်းရင်းမြစ်များ

Māteo 13:34

E vānaŋa era a Ietū ki te rahi raꞌa o te nuꞌu o ruŋa i te meꞌe taꞌatoꞌa nei o te haka tere iŋa ꞌāpī o te ꞌAtua hai ꞌaꞌamu haꞌaauraꞌa, ꞌe mo taꞌe ai hai ꞌaꞌamu haꞌaauraꞌa, ꞌina he vānaŋa o ruŋa.

Māteo 23:6

he noho ꞌi te kona hopeꞌa o te riva-riva ꞌi te ŋoŋoro ꞌe ꞌi te pepe o te nuꞌu hōnui o roto i te ⌊hare pure hūrio⌋.

Ruka 11:43

»¡Ko te ꞌaroha i a kōrua, e te fariseo ē! Nuꞌu haŋa kōrua mo noho ꞌi ruŋa i te pepe o te nuꞌu ra-rahi o roto o te ⌊hare pure hūrio⌋, haŋa takoꞌa mo ꞌaroha e te taŋata ꞌi te ara pa he ꞌariki.

Ruka 20:46

«E uꞌi kōrua ꞌo riro pa he maꞌori o te haka tere hūrio, nuꞌu haŋa mo hāꞌere e uru rō ꞌā i te kahu ro-roa mo haka tuꞌu pa he nuꞌu hōnui ꞌe mo ꞌaroha e te taŋata ꞌi te ara pa he ꞌariki. He uꞌi nō te aŋa mo noho e rāua i te pepe o te nuꞌu hōnui o roto i te ⌊hare pure hūrio⌋ ꞌe o te kona ŋoŋoro.

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

3 Iovani 1:9

I pāpaꞌi rō au e tahi parau ki te kōrua nūnaꞌa taŋata haka moe i te manaꞌu ꞌi ruŋa i a Ietū. ꞌE a Riotefere ꞌina kai tapa mai i tāꞌaku meꞌe pāpaꞌi era ꞌi te haŋa mo ai ko ia mau nō te pūꞌoko haka tere o nā.