Ruka 14:32 - Rapa Nui

³² ꞌE mo taꞌe tano mo tamaꞌi ki tū ꞌariki era, mai kōnui ꞌā ka uŋa era e te ꞌariki raꞌe era i te vaꞌehau mo kī: “¿E ko riva ꞌō te tamaꞌi mo haka kore?”.

Ruka 14:32 ပူးပေါင်းရင်းမြစ်များ

Māteo 5:25

»Mo horo i a koe e te kope e tahi, ka uꞌi te rāveꞌa, mai ai ꞌā te hora, mo haka kore i rā ture ꞌo vaꞌai i a koe ki te rima o te pūꞌoko haka tere o te hare ture, he vaꞌai ia i a koe ki te mūtoꞌi ꞌe he maꞌu he puru.

Māteo 5:42

Te kope haŋa e tahi meꞌe mai i a koe, e vaꞌai, ꞌe ki te kope no-noꞌi atu, ꞌina ko hārui hai tuaꞌivi.

Ruka 12:58

Pa he hora o te kope horo atu i a koe. E oho ꞌana a kōrua ki te hare ture, e uꞌi i te rāveꞌa mo haka kore i rā ture, ꞌo tuꞌu kōrua ki muꞌa o te pūꞌoko haka tere o te hare ture ꞌe ꞌo vaꞌai i a koe ki te mūtoꞌi mo puru.

Ruka 14:31

»ꞌE, te ꞌariki e tahi mo tamaꞌi ki te rua ꞌariki, ¿e ko manaꞌu hō, ꞌi raꞌe, hoki e tano rō e hoꞌe ꞌahuru taꞌutini vaꞌehau mo tamaꞌi ki te piti ꞌahuru taꞌutini vaꞌehau o tū rua ꞌariki era?

Ruka 14:33

»Ko tū meꞌe ꞌā mo kōrua. Mo haŋa o kōrua mo riro he nuꞌu hāpī ꞌāꞌaku, e manaꞌu, ꞌi raꞌe, ana tano kōrua mo ꞌamo i te paŋahaꞌa. Kope nō ena o roto i a kōrua mo taꞌe haka rē i tāꞌana meꞌe haŋa taꞌatoꞌa, e ko tano mo taŋata hāpī ꞌāꞌaku.

Ruka 19:14

»Te nuꞌu o rā henua ꞌina he haŋa ki rā taŋata. He uŋa ia ꞌi tuꞌa ꞌā i te nuꞌu mo kī ki te kope māꞌana e haka ꞌariki: “Kai haŋa a mātou ki te taŋata ena mo ꞌariki o mātou”.

Aŋa o te ꞌĀpōtoro 12:20

Te ꞌariki ko ꞌErore e riri rō ꞌā mo te nuꞌu o Tiro ꞌe o Tīrone, ꞌe te nuꞌu o rā ŋā kona he uꞌi nō te aŋa i te rāveꞌa mo haka kore i te riri; mai te henua o rā ꞌariki, paꞌi, e ravaꞌa era e rāua i te meꞌe mo kai. He haka māhani ia rā nuꞌu i a rāua ki te taŋata ra-rahi aŋa ki rā ꞌariki te ꞌīŋoa ko Vāratu ki riva ai mo hāꞌūꞌū ki a rāua. Pē ira a Vāratu i vānaŋa ai ki te ꞌariki o ruŋa i rā nuꞌu ꞌe he ani hai mahana mo taka-taka ananake.