Ruka 14:23 - Rapa Nui

²³ »He kī haka ꞌou e tū taŋata era ki rā tāvini: “Ka oho koe a te ara ꞌe a ꞌuta ka haka koni ki te nuꞌu mo oho mai ki ꞌī ai tōꞌoku hare.

Ruka 14:23 ပူးပေါင်းရင်းမြစ်များ

Māteo 21:43

»Te meꞌe ꞌaꞌamu atu ena e au o ruŋa i te haka tere iŋa ꞌāpī o te ꞌAtua. Nā e toꞌo rō, mai i a kōrua, ꞌe he vaꞌai ki te nuꞌu aŋa i tāꞌana meꞌe haŋa ꞌe haꞌatura ki a ia.

Māteo 5:41

Mo haka ꞌamo atu i te meꞌe paŋahaꞌa e tahi taꞌutini mētera, e ꞌamo e rua taꞌutini.

Ruka 14:22

»I hini era he kī haka ꞌou e rā tāvini: “Ko aŋa ꞌana a au i taꞌa meꞌe kī mai, ꞌe e topa nō ꞌā te pepe”.

Ruka 14:24

ꞌĪ a au he kī atu: ꞌina e tahi o te nuꞌu kī raꞌe era e au mo kai i tāꞌaku kai”.

Ruka 24:29

He kī e tū nuꞌu era: —Ka noho mai koe. Nā ko ahi-ahi ꞌā ꞌe pe te ꞌata pō e oho ena. He uru ia a Ietū ki roto i te hare he noho ananake.

Aŋa o te ꞌĀpōtoro 16:15

I haka ⌊papatito⌋ rō i a ia ananake ko te nuꞌu taꞌatoꞌa o tōꞌona hare. I oti era he kī mai: «Mo ai a au he viꞌe haka moe parautiꞌa i te manaꞌu ꞌi ruŋa i a Ietū mo kōrua, ka oho mai ia kōrua ka noho ꞌi tōꞌoku hare». He haka koni he oho mai ꞌātā ka oho rō a mātou ꞌi muri.

Aŋa o te ꞌĀpōtoro 18:6

He haꞌamata rā nuꞌu he riri ꞌe he vā-vā i a Pauro. He tū-tū ia a Pauro i te puŋaꞌehu mai ruŋa i tōꞌona kahu mo haka ꞌite ki rā nuꞌu: taꞌe ōꞌona te hape mo haka ūtuꞌa i a rāua e te ꞌAtua, o rāua ꞌā. ꞌE he kī: mai rā hora pe muꞌa he oho a ia ki te nuꞌu taꞌe he hūrio.

Aŋa o te ꞌĀpōtoro 28:28

»E ꞌite kōrua: mai te hora nei pe muꞌa ka oho ena, te ꞌAtua he haka ꞌite takoꞌa ki te nuꞌu taꞌe he hūrio i te roŋo pē hē te taŋata ana eꞌa mai roto i te ūtuꞌa o te hara ꞌe ana ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua, ꞌe ko rāua te nuꞌu ka haka roŋo ena». [

Aŋa o te ꞌĀpōtoro 9:15

He kī haka ꞌou e Ietū: —Ka oho nō koe. Ko haꞌataꞌa ꞌana e au i te taŋata era mo vānaŋa o ruŋa i a au ki te nuꞌu o te rua henua, ki te rāua ꞌariki ꞌe pē ira takoꞌa ꞌā ki te itaraera.

Rōmano 10:18

Tāꞌaku ꞌui ia: ¿ꞌIna ꞌō pēaha kai ŋaroꞌa e te nuꞌu hūrio i te roŋo riva-riva o te ꞌAtua? I ŋaroꞌa rō. E kī rō ꞌana, paꞌi, ꞌi ruŋa i te Pāpaꞌi Moꞌa pē nei ē: «Te reꞌo o te maꞌuroŋo ko tuꞌu ꞌā ki te kona taꞌatoꞌa, ꞌātā ki te kona hopeꞌa o te ao».

2 Kōrinto 5:11

He moꞌa o mātou i te Kiritō ꞌe he haŋa mo haꞌatura ki a ia, e kimi nei a mātou i te rāveꞌa taꞌatoꞌa mo aŋi-aŋi e te nuꞌu i te roŋo parautiꞌa o te ꞌAtua, mo haka moe o rāua i te manaꞌu ꞌi ruŋa i a Ietū. Te ꞌAtua e ꞌite rō ꞌana e aŋa nei a mātou i te meꞌe nei hai māhatu maꞌitaki, ꞌe a mātou e haŋa rō ꞌā mo ꞌite takoꞌa e kōrua.

2 Kōrinto 5:20

He nuꞌu vānaŋa mātou hai ꞌīŋoa o te Kiritō, ꞌe hai mātou te ꞌAtua e vānaŋa atu ena ki a kōrua. ꞌO ira, hai ꞌīŋoa o te Kiritō he ani atu mātou: e haka moe kōrua i te manaꞌu ꞌi ruŋa i te roŋo parautiꞌa o ruŋa i te Kiritō mo riva-riva o kōrua ki te ꞌAtua.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

Kōrosa 1:28

ꞌI te kona taꞌatoꞌa, e hāpī e oho nei mātou o ruŋa i a Ietū Kiritō, ꞌe hai mārama-rama vaꞌai mai e te ꞌAtua, e hatu e hāpī nei ki te nuꞌu mo haka moe i te rāua manaꞌu ꞌi ruŋa i a Ietū. Te meꞌe haŋa, paꞌi, o mātou he maꞌu i te nuꞌu taꞌatoꞌa ꞌa Ietū Kiritō ki muꞌa o te ꞌAtua ko paꞌari ꞌana ꞌi te meꞌe o te ꞌAtua ꞌe ꞌina e tahi hape.

2 Timoteo 4:2

e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.