Ruka 14:21 - Rapa Nui

²¹ »He hoki rā tāvini he kī i tū meꞌe taꞌatoꞌa era ki te taŋata uŋa era i a ia. He riri rō atu ꞌai rā taŋata. He kī ia ki tū tāvini era: “Ka eꞌa koe ka oho a te ara, ka uꞌi i te nuꞌu veve, i te nuꞌu vaꞌe koke, i te nuꞌu hakari taꞌe makenu, ꞌe i te nuꞌu matakeva, ꞌai ka tari ka oho rō mai”.

Ruka 14:21 ပူးပေါင်းရင်းမြစ်များ

Māteo 11:28

»Te nuꞌu taꞌatoꞌa rohi-rohi ꞌo te ꞌamo i te meꞌe paŋahaꞌa e oho mai ki a au; māꞌaku e haka kore i te rohi-rohi.

Māteo 11:5

Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Māteo 15:12

He haka hāhine ia ki a Ietū tāꞌana nuꞌu hāpī he ꞌui: —¿Ko ꞌite ꞌana rō koe: te fariseo ko taꞌe au ꞌā mo taꞌa vānaŋa ena?

Māteo 18:31

»Te tētahi atu nuꞌu aŋa mo te ꞌariki he ŋaroꞌa i te māui-ui ki roto i te māhatu ꞌi tū meꞌe topa era ki rā hokorua, ꞌe he oho he ꞌaꞌamu tahi ki te ꞌariki.

Māteo 20:7

»He pāhono e rā nuꞌu: “ꞌIna e tahi taŋata i vaꞌai mai i a mātou hai aŋa”. »He kī e rā taŋata: “Ka oho ia kōrua ka aŋa ꞌi tōꞌoku kona vino era”.

Ruka 14:13

»Ana aŋa koe i te kai, ko te koa i a koe mo kī ki te nuꞌu veve, ki te nuꞌu vaꞌe koke, ki te nuꞌu hakari taꞌe makenu ꞌe ki te nuꞌu matapō mo oho atu.

Ruka 14:20

»ꞌE he kī e te toru: “Hāipo-ipo iho nō a au; e ko riva mo oho atu”.

Ruka 14:22

»I hini era he kī haka ꞌou e rā tāvini: “Ko aŋa ꞌana a au i taꞌa meꞌe kī mai, ꞌe e topa nō ꞌā te pepe”.

Ruka 14:24

ꞌĪ a au he kī atu: ꞌina e tahi o te nuꞌu kī raꞌe era e au mo kai i tāꞌaku kai”.

Ruka 24:47

ꞌe hai ꞌīŋoa ōꞌona ka haka ꞌite ka oho ena ki te nuꞌu, mai Hērutarema ki te henua taꞌatoꞌa o te ao, mo huri o te manaꞌu ki te ꞌAtua ki haka kore ai i te hara.

Ruka 9:10

I hoki tahi era te ⌊ꞌāpōtoro⌋ uŋa e Ietū, he ꞌaꞌamu ki a ia i te rāua meꞌe taꞌatoꞌa i aŋa. He toꞌo e Ietū i rā nuꞌu ꞌe he oho ananake ki te kona hāhine ki Vetetaira mo noho ko rāua nō.

Iovani 9:39

He kī e Ietū: «A au i oho mai ai ki te ao nei mo kī i te meꞌe tano ꞌe i te meꞌe taꞌe tano o te taŋata. Te nuꞌu e keva rō ꞌā te mata mo te meꞌe o te ꞌAtua e haka māꞌeha rō e au i te rāua manaꞌu. ꞌE te nuꞌu kī ko ꞌite ꞌā a rāua o ruŋa i te ꞌAtua e haka aŋi-aŋi rō e au e keva rō ꞌana te rāua mata mo te meꞌe o te ꞌAtua».

ꞌEvereo 13:17

E haꞌatura ki te pūꞌoko haka tere o kōrua o te nuꞌu haka moe i te manaꞌu ꞌi ruŋa i a Ietū. E haka rē mo rāua e haka tere atu. O rāua, paꞌi, te hāpaꞌo i a kōrua pa he nuꞌu ꞌite: pe muꞌa ka oho ena he haka ꞌite e rāua ki te ꞌAtua pē hē i aŋa ai i te rāua aŋa. Mo haka rē o kōrua i a rāua mo haka tere atu, he koa ꞌi te rāua aŋa ꞌe e ko ai he meꞌe paŋahaꞌa e tahi mo ꞌamo. ꞌE mo taꞌe aŋa o kōrua pē ira, e ko ai ia mo te kōrua riva-riva.

ꞌEvereo 2:3

Mo ai pē ira, ¿pē hē ia ana taꞌe haka ūtuꞌa i a tātou ana hārui hai tuaꞌivi i te rāveꞌa vaꞌai mai e te ꞌAtua mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa? Te meꞌe nei o te Pūꞌoko Haka Tere mau nei ꞌā o tātou i haka ꞌite raꞌe mai. I oho era he haka ꞌite takoꞌa mai he parautiꞌa mau ꞌā e te nuꞌu ŋaroꞌa era i rā meꞌe mai i a ia.

Tanatiako 2:5

Ka haka roŋo mai, e te taina haŋa rahi ē: te ꞌAtua ko haꞌataꞌa ꞌana i te nuꞌu veve mo ꞌono ꞌi te haka moe iŋa i te manaꞌu ꞌi ruŋa i a ia, ꞌe, takoꞌa, mo ai i a rāua te hōrea kī e ia mo te nuꞌu haŋa ki a ia: he oꞌo o rāua ki roto i te nūnaꞌa taŋata haka tere e ia.

Meꞌe Haka Takeꞌa 19:15

Mai roto i te haha o rā kope e eꞌa era te hoe roa-roa kaꞌi-kaꞌi e tahi, ꞌe hai rā hoe ka rē ena ki te taŋata o te henua taꞌatoꞌa. ꞌI tōꞌona haka tere iŋa e haka ūtuꞌa rō i te nuꞌu taꞌatoꞌa taꞌe haꞌatura ki a ia, ꞌe e haka takeꞌa rō i te riri taparahi-taꞌata o te ꞌAtua hopeꞌa o te pūai mo te nuꞌu taꞌe haŋa ki a ia, pa he rei-rei iŋa ena i te vino mo te ꞌava.

Meꞌe Haka Takeꞌa 22:17

Te ⌊Vārua Maitai⌋ ꞌe te viꞌe hāipo-ipo o te Māmoe pē nei e kī ena: «¡Ka oho mai!». ꞌE te kope ŋaroꞌa i te meꞌe nei, ka kī: «¡Ka oho mai!». ꞌE te kope pohe ki te vai ꞌe haŋa mo unu, ka oho mai ka unu i te vai taꞌe e ꞌauhau vaꞌai i te ora ꞌāpī ꞌina he hopeꞌa raꞌa.