Ruka 14:12 - Rapa Nui

¹² He kī e Ietū ki te hoa hare: «Mo aŋa ōꞌou i te kai, ꞌina koe ko kī ki tuꞌu repahoa, ki tuꞌu taina, ki tuꞌu huaꞌai ꞌe ki te nuꞌu ꞌono māhani e koe mo oho atu ki te kai. Mo kī ōꞌou ki rā nuꞌu, pē ira takoꞌa ꞌana a rāua ka kī atu ena mo oho mo kai i te rāua hare. ꞌE, ka hopeꞌa era, e haka hoki atu ꞌana i tuꞌu rima.

Ruka 14:12 ပူးပေါင်းရင်းမြစ်များ

Māteo 5:46

»Mo haŋa o kōrua ki te nuꞌu haŋa nō atu, ¿e vaꞌai mau rō atu te ꞌAtua i te meꞌe mo koa o kōrua mo aŋa pē ira? ꞌĀtā, paꞌi, te ⌊nuꞌu haka ꞌauhau i te taŋata hai moni mo te rōmano⌋ e aŋa takoꞌa rō ꞌana pē ira.

Ruka 1:53

Ko haꞌaꞌī ꞌā hai taoꞌa i te nuꞌu meꞌe kore, ꞌe ko haka oho ꞌana i te nuꞌu ꞌono ꞌina e tahi meꞌe maꞌu o te rima.

Ruka 1:58

Te huaꞌai o Itapera ꞌe te nuꞌu o te hare taꞌatoꞌa hāhine ki te hare ōꞌona, i ꞌite era pē hē te ꞌAtua i haka takeꞌa ai i tōꞌona riva rahi ki a Itapera, he koa tahi rō ꞌai.

Ruka 14:11

ꞌĪ a au he kī atu: te kope haka paka i a ia mau ꞌā e haka ka-kata ꞌe e haka haꞌamā rō; ꞌe te kope taꞌe haka paka i a ia pe muꞌa ka oho ena e haka hōnui rō».

Ruka 14:13

»Ana aŋa koe i te kai, ko te koa i a koe mo kī ki te nuꞌu veve, ki te nuꞌu vaꞌe koke, ki te nuꞌu hakari taꞌe makenu ꞌe ki te nuꞌu matapō mo oho atu.

2 Kōrinto 6:13

He ani atu ia a au, pa he ani iŋa o te matuꞌa ki tāꞌana ŋā poki: e haŋa mai kōrua, pa he haŋa iŋa atu ena o mātou.