Ruka 14:11 - Rapa Nui

¹¹ ꞌĪ a au he kī atu: te kope haka paka i a ia mau ꞌā e haka ka-kata ꞌe e haka haꞌamā rō; ꞌe te kope taꞌe haka paka i a ia pe muꞌa ka oho ena e haka hōnui rō».

Ruka 14:11 ပူးပေါင်းရင်းမြစ်များ

Māteo 23:12

Te kope haka paka, paꞌi, i a ia, pe muꞌa ka oho ena, e haka ka-kata ꞌe e haka haꞌamā rō. ꞌE te kope taꞌe haka paka i a ia, pe muꞌa ka oho ena e haka hōnui rō.

Ruka 1:51

Ko haka takeꞌa ꞌana i tōꞌona pūai; kai haka tano i te manaꞌu o te nuꞌu kī i hau rāua ki te tētahi.

Ruka 1:52

Ko hiko ꞌana i te tōroꞌa ꞌariki mai te ꞌariki, ꞌe ko haka nui-nui ꞌā i te nuꞌu tōroꞌa kore.

Ruka 14:12

He kī e Ietū ki te hoa hare: «Mo aŋa ōꞌou i te kai, ꞌina koe ko kī ki tuꞌu repahoa, ki tuꞌu taina, ki tuꞌu huaꞌai ꞌe ki te nuꞌu ꞌono māhani e koe mo oho atu ki te kai. Mo kī ōꞌou ki rā nuꞌu, pē ira takoꞌa ꞌana a rāua ka kī atu ena mo oho mo kai i te rāua hare. ꞌE, ka hopeꞌa era, e haka hoki atu ꞌana i tuꞌu rima.

Ruka 18:14

»ꞌĪ a au he kī atu: te taŋata haka ꞌauhau era i te nuꞌu hai moni mo te rōmano, i hoki era ki tōꞌona hare, ko haka kore tahi ꞌana e te ꞌAtua i tōꞌona hara, ꞌe te taŋata fariseo era, kai haka kore e te ꞌAtua i te hara. Te taŋata haka paka i a ia, pe muꞌa ka oho ena, e haka ka-kata ꞌe e haka haꞌamā rō; ꞌe te taŋata taꞌe haka paka i a ia, pe muꞌa ka oho ena, e haka hōnui rō».

Tanatiako 1:9

Te taina veve haka moe i te manaꞌu ꞌi ruŋa i a Ietū e koa ꞌo te ai i a ia te hauhaꞌa parautiꞌa o te ꞌAtua.

Tanatiako 4:10

E riro kōrua he nuꞌu ꞌite pē nei ē: mo kore o te ꞌAtua ꞌina e tahi kōrua auraꞌa, ki haka hōnui atu ai kōrua e ia.

Tanatiako 4:6

ꞌE te ꞌAtua, ꞌi tōꞌona riva rahi, e hāꞌūꞌū rō mai ꞌā. E kī rō ꞌana, paꞌi, ꞌi ruŋa i te Pāpaꞌi Moꞌa: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».

1 Pētero 5:5

ꞌE a kōrua, e te ŋā poki ꞌāpī ē, e haꞌatura ki te kōrua nuꞌu pūꞌoko haka tere. ꞌI roto i a kōrua i te nuꞌu haka moe i te manaꞌu ꞌi ruŋa i a Ietū ꞌina ko ai e tahi kope manaꞌu i hau rō atu a ia ki te rua ꞌo te ai: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».

1 Pētero 5:6

E haka hauhaꞌa-ꞌore kōrua i a kōrua ꞌi muꞌa i te pūai nui-nui o te ꞌAtua, ki haka nui-nui atu ai i a kōrua ꞌi te hora tano ki a ia.