Ruka 13:4 - Rapa Nui

⁴ »ꞌE te ŋāŋata era e hoꞌe ꞌahuru mā vaꞌu mā-mate era he viri o te hare ruŋa nui ko Tiroē ki ruŋa i a rāua, ki te kōrua manaꞌu, ¿he ai i hau rō atu a rāua ꞌi te hara ki te tētahi atu nuꞌu o Hērutarema?

Ruka 13:4 ပူးပေါင်းရင်းမြစ်များ

Māteo 18:24

»I haꞌamata era mo haka ꞌauhau i rā nuꞌu, he maꞌu he haka māroa ꞌi muꞌa i a ia i te kope e tahi rahi riꞌa-riꞌa te tārahu mōꞌona.

Māteo 6:12

E haka kore koe i te mātou hara, pa he haka rehu iŋa o mātou i te meꞌe ꞌino aŋa mai e te rua.

Ruka 11:4

E haka kore koe i te mātou hara, pa he haka rehu iŋa o mātou i te meꞌe ꞌino aŋa mai e te rua. ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara».

Ruka 13:3

Taꞌe pē ira. A kōrua mau ena ꞌā, mo taꞌe huri o te manaꞌu ki te ꞌAtua, he mate ꞌe he haꞌataꞌa mau rō ꞌāvai mai muri i a ia.

Ruka 13:5

Taꞌe pē ira. A kōrua mau ena ꞌā, mo taꞌe huri o te manaꞌu ki te ꞌAtua, he mate ꞌe he haꞌataꞌa mau rō ꞌāvai mai muri i a ia».

Iovani 9:11

He pāhono e rā kope: —O te taŋata ena e kī ena ko Ietū i aŋa i te rare-rare, ꞌai ka paru mai ki tōꞌoku mata, ꞌe he kī mai: «Ka oho koe ki te puna era ko Tiroē, ka hopu». He eꞌa a au he oho. I oti era te hopu i tōꞌoku mata, he māꞌeha rō ꞌai.

Iovani 9:7

I oti era he kī: «Ka oho ka hopu tuꞌu mata ꞌi te puna era ko Tiroē». (Te haꞌaauraꞌa o rā ꞌīŋoa: «he kope uŋa»). He oho tū taŋata matapō era he hopu. I hoki haka ꞌou era ko takeꞌa ꞌā i te meꞌe.

Aŋa o te ꞌĀpōtoro 28:4

I takeꞌa era e te nuꞌu o rā motu i te kōreha ko taka ꞌā ꞌi te rima o Pauro, he kī ki a rāua ꞌā: «Pe he meꞌe ena ē: te kope era kope taparahi-taꞌata tiŋaꞌi haka mate i te rua; ka ai atu ko ora ꞌā mai te ꞌati o roto i te vaikava, ꞌina he haka rē e te ꞌatua mo ora».