Ruka 13:35 - Rapa Nui

³⁵ Nā e tuꞌu rō te mahana te kōrua hare e ko noho haka ꞌou e te taŋata. ꞌĪ a au he kī atu: e ko takeꞌa haka ꞌou au e kōrua ꞌātā ki te mahana mo kī e kōrua: “¡Ki haꞌahana-hana te taŋata uŋa mai e te ꞌAtua hai ꞌīŋoa ōꞌona!”.

Ruka 13:35 ပူးပေါင်းရင်းမြစ်များ

Māteo 21:9

Te nuꞌu taꞌatoꞌa oho ꞌi muꞌa ꞌe ꞌi tuꞌa o Ietū ꞌai e ohu era: «¡Ki haꞌahana-hana tātou i te Hakaara o te ꞌariki era ko ⌊Tāvita⌋!» «¡Taŋata haꞌamaitai e te ꞌAtua te taŋata oho mai nei hai ꞌīŋoa ōꞌona!» «¡⌊Osana⌋ ki te ꞌAtua o te raŋi!».

Māteo 23:37

»¡E Hērutarema ē, e Hērutarema tiŋaꞌi i te perofeta, ꞌe tamaꞌi hai māꞌea i te nuꞌu uŋa e te ꞌAtua ē! ¡Ka hia rā nei mahana ōꞌoku i haŋa mo haka taka-taka i taꞌa ŋā poki pa he haka taka-taka iŋa o te ꞌuha i tāꞌana māꞌaŋa ꞌi raro i te karā, ꞌe ꞌina a koe he haŋa!

Ruka 19:41

I hāhine i oho era a Ietū ki Hērutarema, ꞌe i takeꞌa riva-riva era, he taŋi mo rā kona.

Ruka 21:24

E ai rō te nuꞌu o ira ka mate ena ꞌi te hoe, ꞌe tētahi atu he ꞌa-ꞌaru he maꞌu ki te rua henua; he tōtōā i a Hērutarema ꞌe he haka tere e te nuꞌu taꞌe he hūrio ꞌātā ki te roa o te mahana i haꞌatiꞌa e te ꞌAtua.

Iovani 12:13

He ha-hati ia i te raupā niu ꞌe he eꞌa he oho ki a Ietū mo hokorua mo oho mai koia ko ꞌeha e ohu era: «¡⌊Osana⌋!» «¡Taŋata haꞌamaitai e te ꞌAtua te taŋata oho mai nei hai ꞌīŋoa ōꞌona, he ꞌAriki o Itaraera!».