Ruka 13:27 - Rapa Nui

²⁷ He pāhono haka ꞌou atu e rā kope: “Kai ꞌite a au ko ai kōrua. ¡Ka mahiti ka oho kōrua mai nei, e te nuꞌu aŋa i te meꞌe taꞌe tano ē!”.

Ruka 13:27 ပူးပေါင်းရင်းမြစ်များ

Māteo 25:12

»He pāhono e tū kope era mo hāipo-ipo: “Te parautiꞌa, kai ꞌite a au ko ai a kōrua”.

Māteo 25:41

»Ki oti ka kī era e te ꞌAriki ki te nuꞌu o tōꞌona pāꞌiŋa maui: “Ka haka tapa kōrua mai muri i a au ꞌe ka oho, e te nuꞌu tohu e te ꞌAtua ē, ki roto i te ahi ꞌina he mate ki te hora hopeꞌa aŋa mo Rukifero koia ko tāꞌana tātane.

Ruka 13:25

Ki puru te ꞌōpani e te kope era ōꞌona rā kona, ka ohu pūai ena kōrua: “ꞌEi, ka mātaki mai te ꞌōpani”. He pāhono atu e rā kope: “Kai ꞌite a au ko ai kōrua ꞌe o hē kōrua”.

1 Kōrinto 8:3

ꞌE te kope kī e te ꞌAtua ꞌāꞌana, he kope haŋa rahi ki a ia.

Karatia 4:9

ꞌE hora nei, he hora ko toꞌo ꞌana a kōrua i te ꞌAtua parautiꞌa mo ꞌAtua o kōrua, ꞌo, te tī-tika mau, he hora ko toꞌo ꞌana i a kōrua pa he ŋā poki ꞌāꞌana, ¿he aha ia kōrua e haka rē ena mo haka tere haka ꞌou atu e te ŋā meꞌe ena ꞌina rāua pūai ꞌe mo haka riro haka ꞌou atu i a kōrua he ꞌekaravo o rāua?

2 Timoteo 2:19

Ka ai atu pē ira, te nūnaꞌa taŋata haka moe parautiꞌa i te rāua manaꞌu ꞌi ruŋa i a Ietū e hio-hio rō ꞌana pa he kona mekerā ꞌi ruŋa e haka tuꞌu ena i te hare, ꞌe ꞌi ruŋa takoꞌa i pāpaꞌi ai: «Te ꞌAtua e aŋi-aŋi rō ꞌā i tāꞌana taŋata», ꞌe, «Te nuꞌu taꞌatoꞌa haꞌamuri ki te ꞌAtua e haka tapa mai roto i te meꞌe taꞌe tano».