Ruka 13:23 - Rapa Nui

²³ He ꞌui e te kope e tahi: —E Ietū, ¿nuꞌu taꞌe rahi te nuꞌu ka ravaꞌa ena i te ora ꞌāpī ꞌina he hopeꞌa raꞌa vaꞌai e te ꞌAtua? He pāhono e Ietū:

Ruka 13:23 ပူးပေါင်းရင်းမြစ်များ

Māteo 19:25

I ŋaroꞌa era, he ꞌata māere rō atu ꞌai tāꞌana nuꞌu hāpī, ꞌe he ꞌui: —Mo ai pē ira, ¿ko ai ia te meꞌe mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua?

Māteo 20:16

He kī ia e Ietū: «Pē ira te haka tere iŋa ꞌāpī o te ꞌAtua ka ai ena: te nuꞌu ko rāua te hopeꞌa ꞌi te hora nei, pe muꞌa ka oho ena ko rāua te raꞌe; ꞌe te nuꞌu ko rāua te raꞌe ꞌi te hora nei, pe muꞌa ka oho ena ko rāua te hopeꞌa».

Māteo 22:14

»Nuꞌu rahi, paꞌi, te nuꞌu kī e te ꞌAtua mo oꞌo ki roto i te haka tere iŋa ꞌāpī ōꞌona, ꞌe nuꞌu taꞌe rahi te nuꞌu i haꞌataꞌa e ia mo oꞌo».

Māteo 7:14

ꞌE, te ꞌōpani mo uru ki te ara o te ora ꞌina he hopeꞌa raꞌa e vako-vako rō ꞌā ꞌe aŋa riꞌa-riꞌa te haꞌere te oho a roto, ꞌe nuꞌu taꞌe rahi te nuꞌu oꞌo ki ira.

Ruka 13:22

ꞌI te ara o Ietū ki Hērutarema, he hāpī te aŋa i te nuꞌu o te kona tuꞌu.

Ruka 13:24

«E uꞌi kōrua e uru a roto i te ꞌōpani vako-vako. ꞌĪ a au he kī atu: nuꞌu rahi te nuꞌu haŋa mo uru ki roto i te ao haka tere e te ꞌAtua ꞌe nuꞌu taꞌe rahi ka oꞌo ena.