Ruka 13:17 - Rapa Nui

¹⁷ I kī era e Ietū i tū vānaŋa era, he haꞌamā rō atu ꞌai te nuꞌu riri mōꞌona. ꞌE te nuꞌu haka ꞌou o roto he koa ꞌi te takeꞌa i te meꞌe nui-nui aŋa e Ietū.

Ruka 13:17 ပူးပေါင်းရင်းမြစ်များ

Ruka 14:6

ꞌIna kai ai e tahi vānaŋa o tū nuꞌu era mo pāhono.

Ruka 18:43

ꞌI tū hora mau era ꞌā he ora rō ꞌai te mata o tū taŋata era. He oho ia ꞌi muri i a Ietū koia ko haꞌahana-hana ki te ꞌAtua. Te nuꞌu taꞌatoꞌa takeꞌa i tū meꞌe era he haꞌahana-hana takoꞌa ki te ꞌAtua.

Ruka 19:48

ꞌE, ꞌo te ai he taka-taka nō te aŋa o te taŋata mo haka roŋo i tāꞌana vānaŋa, ꞌina he ravaꞌa.

Ruka 20:40

ꞌI te huru o te pāhono iŋa o Ietū, ꞌina kai haŋa haka ꞌou rā nuꞌu mo ꞌui e tahi meꞌe.

Aŋa o te ꞌĀpōtoro 4:21

ꞌE, ꞌi te taꞌe ꞌite o tū nuꞌu ra-rahi era pē hē a rāua ana haka ūtuꞌa i a kuā Pētero ꞌo riri te nuꞌu, he haka riꞌa-riꞌa haka ꞌou ꞌe ꞌai ka haka eꞌa. Te taŋata taꞌatoꞌa, paꞌi, e haꞌahana-hana ꞌana ki te ꞌAtua o ruŋa o tū meꞌe topa era, ꞌo ira te nuꞌu ra-rahi e riꞌa-riꞌa era.

2 Timoteo 3:9

Te nuꞌu nei e ko ravaꞌa mo haka roŋo mo oho nō e te nuꞌu ki a rāua ka ꞌite rō ena e te taꞌatoꞌa pē nei ē: he nuꞌu maꞌa-maꞌa. He meꞌe nei te meꞌe i topa takoꞌa ki a Hane ararua ko Hampere.

Tito 2:8

ꞌe hai vānaŋa riva-riva ꞌe tī-tika, ꞌo ai te vānaŋa taꞌe tano mo kī e te tētahi taŋata mōꞌou. Pē ira ka haꞌamā ena te nuꞌu taꞌe haŋa ki te hāpī parautiꞌa o te ꞌAtua, he taꞌe ravaꞌa e rāua e tahi meꞌe taꞌe tano o tātou mo kī.

1 Pētero 3:16

ꞌE ana pāhono, hai haumārū ꞌe hai moꞌa. ꞌIna kōrua ko aŋa i te meꞌe taꞌe tano. Pē ira te nuꞌu vānaŋa taꞌe tano o ruŋa i a kōrua ka haꞌamā ena ꞌi te rāua vānaŋa ꞌi te takeꞌa i te kōrua noho iŋa tano ꞌo te ai o kōrua he nuꞌu haka moe i te manaꞌu ꞌi ruŋa i te ⌊Kiritō⌋.