Ruka 13:14 - Rapa Nui

¹⁴ Te taŋata pūꞌoko haka tere o tū hare pure hūrio era he riri rō atu ꞌai ꞌo te haka ora e Ietū i tū viꞌe era ꞌi te mahana haka ora, ꞌe he kī ki te nuꞌu: «E ono mahana e ai ena mo aŋa. E oho mai kōrua ꞌi rā ŋā mahana mo haka ora atu, taꞌe ꞌō pē nei ē: ꞌi te mahana haka ora».

Ruka 13:14 ပူးပေါင်းရင်းမြစ်များ

Māteo 12:2

He takeꞌa e te nuꞌu ⌊fariseo⌋ ꞌe he kī ki a Ietū: —Ka uꞌi taꞌa nuꞌu hāpī; e aŋa ꞌana i te meꞌe taꞌe haꞌatiꞌa mo aŋa ꞌi te mahana haka ora.

Marko 5:22

He tuꞌu ia e tahi o te nuꞌu pūꞌoko haka tere o te ⌊hare pure hūrio⌋ te ꞌīŋoa ko Hairo. I takeꞌa era i a Ietū, he tū-turi ꞌi muꞌa

Ruka 6:11

He riri tū nuꞌu maꞌori era ꞌe te nuꞌu fariseo ꞌe he haꞌamata he tātake he aha te rāua meꞌe mo aŋa ki a Ietū.

Ruka 6:7

Te nuꞌu ⌊maꞌori o te haka tere hūrio⌋ ꞌe te fariseo ꞌai e uꞌi era hoki e haka ora rō e Ietū i rā taŋata ꞌi te mahana haka ora, mo ravaꞌa ꞌōtohe mo tuhi e rāua i tōꞌona hape.

Ruka 8:41

He tuꞌu ia e tahi taŋata te ꞌīŋoa ko Hairo, he pūꞌoko haka tere o te ⌊hare pure hūrio⌋, ki tū kona era. He tū-turi ꞌi muꞌa o Ietū ꞌe he ani mo oho ki tōꞌona hare

Aŋa o te ꞌĀpōtoro 13:15

I oti era te taiꞌo i te kona o ruŋa o te puka pāpaꞌi e ⌊Mōtē⌋ ꞌe i te kona o te puka pāpaꞌi e te perofeta, he kī e te nuꞌu pūꞌoko haka tere o tū hare pure era: «E kuā taina, mo ai o te kōrua meꞌe mo kī mo haka pūai i te manaꞌu o te nuꞌu nei, ka vānaŋa».

Aŋa o te ꞌĀpōtoro 18:17

He ꞌa-ꞌaru ia e te nuꞌu taka-taka o haho o rā kona i a Tōtene, he pūꞌoko haka tere e tahi o te hare pure hūrio, he tiŋaꞌi ki te piꞌi-piꞌi ꞌi muꞌa o tū hare ture mau era ꞌā, ꞌe kai tapa atu e te suerekao.

Aŋa o te ꞌĀpōtoro 18:8

A Kīripo, pūꞌoko haka tere o te hare pure nei, kai roa, he ⌊haka moe i te manaꞌu⌋ ꞌi ruŋa i a Ietū ananake ko te nuꞌu taꞌatoꞌa o tōꞌona hare. ꞌE meꞌe rahi nuꞌu haka ꞌou o Kōrinto ŋaroꞌa i te roŋo riva-riva o te ꞌAtua he haka moe takoꞌa i te rāua manaꞌu ꞌi ruŋa i a Ietū, ꞌe he haka ⌊papatito⌋ i a rāua.

Rōmano 10:2

Te parautiꞌa, e kimi rō ꞌana mo tano o rāua ki te mata o te ꞌAtua; te ꞌati nō, taꞌe a roto i te ara parautiꞌa o te ꞌAtua.