Ruka 13:13 - Rapa Nui

¹³ He haka eke a Ietū i tōꞌona rima ki ruŋa o rā viꞌe. ꞌI tū hora ꞌā he māroa riva-riva ꞌe he haꞌamata he haꞌahana-hana ki te ꞌAtua.

Ruka 13:13 ပူးပေါင်းရင်းမြစ်များ

Māteo 9:8

I takeꞌa era e te nuꞌu i tū meꞌe era, he riꞌa-riꞌa ꞌe he haꞌahana-hana ki te ꞌAtua ꞌo te vaꞌai i te pūai pē ira ki te taŋata.

Marko 16:18

Mo ꞌa-ꞌaru tāꞌue i te kōreha veneno, ꞌe mo unu tāꞌue i te veneno, e ko ꞌati a rāua. ꞌE ꞌātā e ai rō te mana vaꞌai e te ꞌAtua, ka haka puā era hai rima ki te nuꞌu māui-ui, he ora rō ꞌai».

Marko 5:23

ꞌe he ani: —E Ietū ē, he mate tāꞌaku poki. Ka oho mai koe ka haka puā i tuꞌu rima ki a ia mo ora o tōꞌona māui-ui ꞌo mate.

Marko 6:5

ꞌE kai rahi te mana i aŋa e Ietū ꞌi Nātāreta, he taꞌe haka moe o te nuꞌu o rā kona i te manaꞌu ꞌi ruŋa i a ia. Te mana nō i aŋa he haka ora i te tētahi nuꞌu māui-ui i haka puā hai rima.

Marko 8:25

He haka puā haka ꞌou e Ietū i tōꞌona rima ki te mata. He uꞌi haka ꞌou tū taŋata era ana takeꞌa riva-riva e ia ꞌe he aŋi-aŋi ko ora ꞌā tōꞌona mata. Ko takeꞌa riva-riva ꞌā i te meꞌe taꞌatoꞌa.

Ruka 13:12

I takeꞌa era e Ietū he raŋi mo oho ꞌe he kī: «E nua, he ora tuꞌu māui-ui ena».

Ruka 18:43

ꞌI tū hora mau era ꞌā he ora rō ꞌai te mata o tū taŋata era. He oho ia ꞌi muri i a Ietū koia ko haꞌahana-hana ki te ꞌAtua. Te nuꞌu taꞌatoꞌa takeꞌa i tū meꞌe era he haꞌahana-hana takoꞌa ki te ꞌAtua.

Ruka 4:40

I ŋaro era te raꞌā o rā mahana haka ora era, he eꞌa te taŋata taꞌatoꞌa ai o te rāua nuꞌu māui-ui he maꞌu ki a Ietū. ꞌE, ka ai atu huru kē huru kē te rāua māui-ui, he haka puā e Ietū hai rima ꞌe he ora rō ꞌai.

Aŋa o te ꞌĀpōtoro 9:17

He eꞌa ia he oho a ꞌĀnānia ki tū hare era ꞌi ira a Sauro. I uru era he haka eke i tōꞌona rima ki ruŋa he kī: «E te taina, ko uŋa mai ꞌana a au e Ietū takeꞌa era e koe ꞌi te ara, mo haka ora atu i tuꞌu mata ꞌe mo ꞌī ōꞌou e te pūai o te ⌊Vārua Maitai⌋».