Ruka 12:9 - Rapa Nui

⁹ ꞌE te kope kī: ꞌina a ia he haŋa mai, pē ira takoꞌa ꞌana a au ka kī ena mo rā kope ꞌi muꞌa o te merahi o te ꞌAtua.

Ruka 12:9 ပူးပေါင်းရင်းမြစ်များ

Māteo 10:33

ꞌE te kope kī ꞌi muꞌa o te taŋata ꞌina he haŋa mai a ia ki a au, pē ira takoꞌa ꞌana a au ka kī ena mōꞌona ꞌi muꞌa o tōꞌoku Matuꞌa ꞌi te raŋi.

Māteo 25:12

»He pāhono e tū kope era mo hāipo-ipo: “Te parautiꞌa, kai ꞌite a au ko ai a kōrua”.

Māteo 25:31

»Ka hoki mai ena te ⌊Poki o te taŋata⌋ ko ꞌAriki ꞌā e haka vari tahi rō ꞌā e te merahi taꞌatoꞌa ōꞌona, e te ꞌana-ꞌana ꞌe e te pūai o te ꞌAtua, he noho ꞌi ruŋa i tōꞌona pepe ꞌariki.

Māteo 25:41

»Ki oti ka kī era e te ꞌAriki ki te nuꞌu o tōꞌona pāꞌiŋa maui: “Ka haka tapa kōrua mai muri i a au ꞌe ka oho, e te nuꞌu tohu e te ꞌAtua ē, ki roto i te ahi ꞌina he mate ki te hora hopeꞌa aŋa mo Rukifero koia ko tāꞌana tātane.

Māteo 7:23

ꞌI rā hora ka pāhono ena e au: “Kai māhani a au i a kōrua. ¡Ka haka tapa mai muri i a au, e te nuꞌu aŋa i te meꞌe taꞌe tano ē!”.

Marko 8:38

»Te taŋata o te hora nei taŋata hara ꞌe ꞌina he haŋa mai. Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ananake mātou ko te merahi ꞌi ruŋa i a au te pūai ꞌana-ꞌana o tōꞌoku Matuꞌa».

Ruka 15:10

»ꞌĪ a au he kī atu: pē ira takoꞌa ꞌana ka koa ena te merahi o te ꞌAtua mo te kope hara huri o te manaꞌu ki te ꞌAtua».

Ruka 22:57

He kī e Pētero: —Kai ꞌite a au ko ai te kope ena.

Ruka 9:26

»Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ꞌi ruŋa i a au tōꞌoku pūai ꞌe te pūai ꞌana-ꞌana o tōꞌoku Matuꞌa e haka vari tahi rō ꞌana e te merahi.

2 Timoteo 2:12

Mo haꞌaoromaꞌi o tātou i te ꞌati hai pūai, he haka tere a tātou ꞌi tōꞌona ao ꞌi muri i a ia. Mo kī o tātou kai ꞌite a tātou ko ai a ia, pē ira takoꞌa ꞌā ka kī ena e ia mo tātou.

1 Iovani 2:23

Te kope taꞌe haŋa ki te Poki, taꞌe a ia o te ꞌAtua Matuꞌa. ꞌE te kope kī: o te Poki a ia, o te ꞌAtua Matuꞌa takoꞌa a ia.

1 Iovani 2:28

ꞌĒ-ē, ꞌina kōrua ko haka tapa. Ka haka noho nō kōrua, e ŋā poki ē, ꞌi muri i te Kiritō, ꞌo haꞌamā kōrua ꞌe ꞌo riꞌa-riꞌa ꞌi muꞌa i a ia ꞌi te hora o tōꞌona hoki iŋa mai.

Meꞌe Haka Takeꞌa 3:8

‘E ꞌite tahi rō ꞌana a au i taꞌa meꞌe aŋa. ꞌE e ꞌite takoꞌa rō ꞌana a au: haŋu taꞌe rahi tōꞌou. ꞌE, ka ai atu pē ira, ko te haka roŋo ꞌe ko te haꞌatura ko te oho iŋa ꞌā koe i tāꞌaku vānaŋa, ꞌe ko te haka moe iŋa mai ꞌā koe i te manaꞌu ꞌi ruŋa i a au. ꞌO ira, nā ꞌi muꞌa i a koe i haka rē ai a au i te ꞌōpani e ha-hata rō ꞌā ꞌe ꞌina he rua kope mo ravaꞌa mo puru.