Ruka 12:6 - Rapa Nui

⁶ »¿ꞌIna ꞌō he hoꞌo e rima manu riki-riki hai tara ꞌaurī e rua? Ka ai atu pē ira, ꞌina e tahi o rāua he rehu i te ꞌAtua.

Ruka 12:6 ပူးပေါင်းရင်းမြစ်များ

Māteo 10:29

»Ko ꞌite ꞌana e kōrua e hoꞌo rō ꞌā e rua manu riki-riki hai tara ꞌaurī taꞌe hauhaꞌa rahi. Ka ai atu pē ira, ꞌina e ko mate korohaŋa e tahi mo taꞌe ai ko haꞌatiꞌa hia ꞌā e te kōrua Matuꞌa o te raŋi.

Marko 12:42

E noho e uꞌi nō ꞌā a Ietū i tuꞌu rō ai e tahi viꞌe hove veve, he ha-haꞌo e rua tara ꞌaurī taꞌe hauhaꞌa rahi.

Ruka 12:24

»E uꞌi rā te manu: ꞌina he ꞌoka ꞌe ꞌina he kato i te kai, ꞌe ꞌina takoꞌa he karapone o rāua mo haꞌaputu ꞌe mo hāpaꞌo o te kai. Ka ai atu pē ira, e vaꞌai rō ꞌana e te ꞌAtua hai kai. ꞌE, a kōrua, mo te ꞌAtua, ꞌata hau rō atu ꞌi te hauhaꞌa ki te manu.

Ruka 12:27

»E uꞌi rā pē hē e nu-nui e oho ena te tiare: ꞌina he aŋa ꞌe ꞌina he hiro i te hau mo aŋa i tōꞌona kahu. ꞌE, ka ai atu pē ira, ꞌina kai ai ꞌana te kope, ꞌātā te ꞌariki era ko ⌊Toromono⌋, ꞌi tōꞌona hauhaꞌa rahi era, i uru i te kahu nehe-nehe pa he tiare.