Ruka 12:5 - Rapa Nui

⁵ ꞌĪ a au he kī atu ko ai mau te meꞌe o kōrua mo riꞌa-riꞌa: e riꞌa-riꞌa ꞌi te kope taꞌe nō i a ia te parau mo tiŋaꞌi i te hakari, i a ia takoꞌa te parau mo hoa i te vārua ki roto i te pōꞌauahi. Ko rā kope te meꞌe o kōrua mo riꞌa-riꞌa.

Ruka 12:5 ပူးပေါင်းရင်းမြစ်များ

Māteo 10:28

ꞌIna kōrua ko riꞌa-riꞌa ꞌi te nuꞌu he hakari nō te meꞌe o rāua mo ravaꞌa mo tiŋaꞌi mo haka mate, taꞌe he vārua o kōrua; ka riꞌa-riꞌa ꞌi te ꞌAtua, he kope i a ia te parau mo hoa i te hakari ararua ko te vārua ki roto i te pōꞌauahi.

Māteo 25:41

»Ki oti ka kī era e te ꞌAriki ki te nuꞌu o tōꞌona pāꞌiŋa maui: “Ka haka tapa kōrua mai muri i a au ꞌe ka oho, e te nuꞌu tohu e te ꞌAtua ē, ki roto i te ahi ꞌina he mate ki te hora hopeꞌa aŋa mo Rukifero koia ko tāꞌana tātane.

Māteo 25:46

He kī ia e Ietū: —Te hopeꞌa mo te nuꞌu o te pāꞌiŋa maui he ūtuꞌa ꞌina he hopeꞌa raꞌa, ꞌe mo te nuꞌu o te pāꞌiŋa mataꞌu tano ki te mata o te ꞌAtua he ora ꞌina he hopeꞌa raꞌa.

Māteo 5:22

ꞌE, ꞌī a au he kī atu: he haka ūtuꞌa e te ꞌAtua i te kope riri mo te rua. ꞌE te kope vā-vā ꞌe kī i te maꞌa-maꞌa o te rua he ture e te ⌊nūnaꞌa taŋata i a rāua te kī iŋa hopeꞌa o te haka tere hūrio⌋. Te kope haka haꞌamā ꞌe kī i te taꞌe hauhaꞌa o te rua te ūtuꞌa tano mōꞌona he pōꞌauahi.

Marko 13:23

Nā ko haka ꞌite atu ꞌana e au ꞌi raꞌe ki te topa iŋa mai o rā ŋā meꞌe. ꞌO ira, e uꞌi e hāpaꞌo kōrua.

1 Tētārōnika 4:6

ꞌIna e tahi o kōrua mo tōtōā i te taina ⌊haka moe i te manaꞌu⌋ ꞌi ruŋa i a Ietū hai toꞌo i tāꞌana viꞌe māꞌana. Ko haka ꞌite atu era ꞌā, paꞌi, e mātou pē nei ē: te ꞌAtua e haka ūtuꞌa rō ꞌā i te nuꞌu aŋa i te meꞌe tuꞌu pē nei hai ūtuꞌa taparahi-taꞌata.

ꞌEvereo 10:31

¡He taparahi-taꞌata e tahi te meꞌe ena ꞌi te rima o te ꞌAtua koe mo haka ūtuꞌa atu!

2 Pētero 2:4

Te ꞌAtua ꞌina kai haka rehu i te hara o te merahi aŋa i meꞌe taꞌe tano. Te meꞌe i aŋa: he ava i rā ŋā merahi ki roto i te pōꞌauahi, ꞌe i haka rē ai ꞌi roto i te pōꞌuri e here-here rō ꞌana hai vivi mo te mahana o te ture.

Meꞌe Haka Takeꞌa 14:7

E kī pūai era: «E moꞌa kōrua i te ꞌAtua, e haꞌahana-hana kōrua i a ia ꞌo te ai ꞌī ko tuꞌu mai ꞌā te hora era mo ture ōꞌona i te taŋata. E haꞌamuri kōrua ki te kope ꞌāꞌana i aŋa i te raŋi, i te henua, i te vaikava ꞌe i te kona manana vai».

Meꞌe Haka Takeꞌa 15:4

¿Ko ai te meꞌe mo taꞌe moꞌa i a koe, e te mātou Pūꞌoko Haka Tere ē? ¿Ko ai te meꞌe mo taꞌe haꞌahana-hana atu? Ko koe mau nō te meꞌe hara kore. Taꞌatoꞌa nuꞌu o te ao ka haꞌamuri atu ena. Ko takeꞌa ꞌana, paꞌi, e te taꞌatoꞌa: taꞌa meꞌe aŋa meꞌe tī-tika».

Meꞌe Haka Takeꞌa 20:14

I oti era he toꞌo mai i te mate ꞌe i te kona o te mate ko ꞌAre he hoa ki roto i te pōꞌauahi. Te kona ahi nei he rua mate iŋa,