Ruka 12:37 - Rapa Nui

³⁷ ¡Ko te koa ꞌō i te tāvini, ka tuꞌu era te taŋata ꞌāꞌana te haka aŋa, e ꞌa-ꞌara tahi nō ꞌā! ꞌĪ a au he kī atu: mo te taŋata mau era ꞌā ꞌāꞌana te haka aŋa, e haka noho i rā nuꞌu ꞌi ruŋa i te ꞌamuramaꞌa ꞌe e ao e vaꞌai hai kai.

Ruka 12:37 ပူးပေါင်းရင်းမြစ်များ

Māteo 24:42

»ꞌO ira, e veveri e ꞌara te mata. Kai ꞌite kōrua a hē ka tuꞌu mai te Pūꞌoko Haka Tere nei o kōrua.

Ruka 12:43

¡Ko te koa i rā tāvini ka tuꞌu era te taŋata ꞌāꞌana te haka aŋa, e aŋa ꞌana i te meꞌe taꞌatoꞌa kī mo aŋa!

Ruka 17:8

E ko kī pē ira. Pē nei ka kī era: “Ka uru ka tunu mai tāꞌaku o te kai. E kai ꞌana a au, e tiaki ꞌiti-ꞌiti mai koiꞌite e ai nō ꞌā tāꞌaku meꞌe haŋa. Ki oti koe ana kai”.

Ruka 21:36

ꞌO ira, ꞌi te hora taꞌatoꞌa, e ꞌara te kōrua mata ꞌe e pure mo pūai o kōrua ꞌi te hora o te ꞌati ka tuꞌu mai ena e haka moe nō ꞌana i te manaꞌu ꞌi ruŋa i te ꞌAtua, ꞌo haꞌamā kōrua ꞌi te hora ꞌi muꞌa o te Poki o te taŋata».

Ruka 22:27

»Ki te kōrua manaꞌu, ¿ko ai te kope ꞌata hōnui, he kope noho ꞌi ruŋa i te ꞌamuramaꞌa mo kai, ꞌo he kope ꞌāꞌana te maꞌu i te kai? ¿Taꞌe ꞌō he kope noho ꞌi ruŋa i te ꞌamuramaꞌa? ꞌE, ꞌī a au pa he tāvini ꞌi muri i a kōrua».

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

1 Kōrinto 2:9

E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋: «Te ꞌAtua ko haka riva-riva ꞌā mo te nuꞌu haŋa ki a ia i te meꞌe ꞌina he kope raꞌe i takeꞌa, i ŋaroꞌa ꞌe korohaŋa i manaꞌu».

Fīripo 1:21

A au e ora nei mo tāvini ꞌe mo haꞌamuri mau nō ki a Ietū. ꞌE mo mate ōꞌoku, ko ꞌata tano ꞌā; he ai, paꞌi, a au ꞌi muri i a ia.

Fīripo 1:23

E tātake rō ꞌana, paꞌi, tōꞌoku manaꞌu o ruŋa i te ŋā meꞌe nei ararua. E haŋa rō ꞌana, paꞌi, a au mo mate mo iri ōꞌoku ki muri i a Ietū, he meꞌe ꞌata riva-riva mōꞌoku.

2 Pētero 1:11

ꞌe te ꞌAtua, hai koa, ka haka uru ena i a kōrua ki roto i te ao ꞌina he hopeꞌa raꞌa, he ao haka tere e te tātou Pūꞌoko ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

2 Pētero 3:14

ꞌO ira, e te taina ē, e tiaki ꞌana kōrua ki nā meꞌe, e uꞌi te kōrua noho iŋa, ꞌo ai te hape mo tuhi iŋa atu, ꞌe e ai te haumārū ꞌi roto i a kōrua, ki koa ai te tātou Pūꞌoko Haka Tere ko Ietū Kiritō ꞌi te hora o tōꞌona hoki iŋa mai.

Meꞌe Haka Takeꞌa 14:13

He ŋaroꞌa ia e au i te reꞌo e tahi mai te raŋi e kī ꞌā: «Ka pāpaꞌi te meꞌe nei: “Ko te koa i te nuꞌu mate, ꞌi te hora nei ꞌe pe muꞌa ka oho ena, ⌊haka moe i te manaꞌu⌋ ꞌi ruŋa i te tātou Pūꞌoko Haka Tere ko Ietū Kiritō”». «ꞌĒ-ē —i kī ai e te ⌊Vārua Maitai⌋— e haka ora rō rāua mai te rāua aŋa, ꞌe e vaꞌai rō hai meꞌe mo haka koa ꞌo te rāua meꞌe riva-riva aŋa».

Meꞌe Haka Takeꞌa 16:15

He haka taka-taka ia i te ŋā ꞌariki taꞌatoꞌa nei ꞌi te kona te ꞌīŋoa ꞌi te ⌊ꞌevereo⌋ ko Aramaherone. I oho era he ŋaroꞌa e au i te reꞌo o Ietū e kī ꞌā: «Ka haka roŋo mai. Pa he tuꞌu iŋa atu o te toke-toke ꞌi te hora taꞌe ꞌite e koe, ka tuꞌu atu ena a au. ꞌE ko te koa i te kope ko te ꞌara iŋa ꞌā ꞌe ko te uru iŋa ꞌā i tōꞌona kahu, te auraꞌa, ko te aŋa iŋa ꞌana i te meꞌe tī-tika, ꞌo haꞌamā ꞌi te hora o tōꞌoku hoki iŋa mai, pa he kope haꞌamā ꞌi tōꞌona kahu kore».

Meꞌe Haka Takeꞌa 3:21

’Te nuꞌu rē ki te pūai o Rukifero he haka noho e au ꞌi ruŋa i tōꞌoku pepe ꞌariki ꞌi muri i a au, pa he rē iŋa ōꞌoku e noho nei ꞌi muri i tōꞌoku Matuꞌa ꞌi ruŋa i tōꞌona pepe ꞌariki.

Meꞌe Haka Takeꞌa 7:17

ꞌo te ai te Māmoe era ꞌi vāeŋa o te kona pepe ꞌariki era he hāpaꞌo i a rāua pa he taŋata hāpaꞌo māmoe e hāpaꞌo ꞌana i tāꞌana māmoe. Māꞌana e maꞌu ki te kona vai vaꞌai i te ora ꞌāpī ꞌina he hopeꞌa raꞌa, ꞌe mo te ꞌAtua e haroꞌi i te rāua matavai.