Ruka 12:35 - Rapa Nui

^35-36 »E ai kōrua pa he nuꞌu tāvini haka pura i te hakariꞌi ꞌai ka tiaki ki te hoki iŋa o te taŋata haka aŋa i a rāua mai te ŋoŋoro hāipo-ipo, e rito rō ꞌā mo mātaki i te ꞌōpani ka pātōtō era.

Ruka 12:35 ပူးပေါင်းရင်းမြစ်များ

Māteo 25:1

»Te meꞌe topa ꞌi te ⌊haka tere iŋa ꞌāpī o te ꞌAtua⌋ pa he meꞌe topa i te ŋoŋoro hāipo-ipo e tahi. E hoꞌe ꞌahuru uka he toꞌo i te rāua hakariꞌi ꞌe he eꞌa he oho mo hokorua i te kope era mo hāipo-ipo ki te kona era ꞌi ira te ŋoŋoro.

Māteo 5:16

Pē ira kōrua ana haka tere ꞌi muꞌa o te taŋata. Ka takeꞌa ena, paꞌi, i te kōrua haka tere iŋa tano ki te mata o te ꞌAtua, he haꞌahana-hana tahi ki te kōrua Matuꞌa o te raŋi.

Ēfeto 6:14

E maꞌu hio-hio te parautiꞌa o te ꞌAtua pa he vaꞌehau e haratuꞌa ena i te pena mo haka noho i tōꞌona kahu ꞌi te hora oho ki te tamaꞌi. E tano te kōrua noho iŋa ki te mata o te ꞌAtua, ki riro ai rā noho iŋa he meꞌe mo hāpaꞌo atu i a kōrua pa he kahu aŋa hai ꞌaurī e hāpaꞌo ena i te uma o te vaꞌehau.

Fīripo 2:15

ꞌo ai te kōrua hape ꞌe te kōrua meꞌe taꞌe tano mo tuhi atu e te taŋata. ꞌI roto i te nuꞌu haꞌavare ꞌe taparahi-taꞌata o te ao nei e riro kōrua he ŋā poki o te ꞌAtua ꞌina e tahi hape. E māꞌeha kōrua ꞌi roto i a rāua pa he hetuꞌu pura ꞌi roto i te pōhāhā

1 Pētero 1:13

E te taina, e ꞌara te kōrua mata ꞌe e ꞌite i te hāito i te kōrua meꞌe kī ꞌe i te kōrua meꞌe aŋa. E haka hio-hio te kōrua manaꞌu ꞌi ruŋa i te meꞌe o te ꞌAtua ka vaꞌai atu ena hai riva rahi ōꞌona ꞌi te hora o te hoki iŋa mai o Ietū Kiritō.