Ruka 12:21 - Rapa Nui

²¹ »Pē ira e topa ena ki te taŋata haꞌaputu mōꞌona mau nō i te hauhaꞌa ꞌe ꞌina he manaꞌu ki te meꞌe haŋa o te ꞌAtua».

Ruka 12:21 ပူးပေါင်းရင်းမြစ်များ

Ruka 12:33

Te kōrua meꞌe e hoꞌo ꞌe e vaꞌai te moni ki te veve. Pē ira he ai te kōrua hauhaꞌa e ko pau ꞌi ruŋa i te raŋi, kona pa he pūtē ena ꞌā ka ꞌī atu, e ko paihi ki te hora hopeꞌa, kona e ko tuꞌu te toke-toke ꞌe te manuꞌino e ko kai.

Ruka 16:11

Mo taꞌe aŋa tī-tika o kōrua i te hauhaꞌa o te ao nei, ¿ko ai ia te meꞌe mo vaꞌai atu mo aŋa e kōrua i te hauhaꞌa parautiꞌa o te raŋi?

Ruka 6:24

»Ko te ꞌaroha i a kōrua, e te nuꞌu ꞌono manaꞌu pē nei ē: ꞌi te hauhaꞌa mau nō o te ao nei te koa; he oti mau ꞌā te koa mo ravaꞌa e kōrua.

Rōmano 2:5

ꞌE, ꞌi tuꞌu pūꞌoko hio-hio, ꞌina koe he huri i tuꞌu manaꞌu ki te ꞌAtua. Nā koe e haꞌaputu e oho ꞌana i te riri o te ꞌAtua mōꞌou mo te mahana o te haka ūtuꞌa, he mahana mo tuꞌu mai ōꞌona mo kī i te ūtuꞌa tano mo te taŋata hara taꞌatoꞌa.

2 Kōrinto 6:10

E tuꞌu rō ꞌā a mātou pa he nuꞌu e mamae rō ꞌā te māhatu, ꞌe, ka ai atu pē ira, ko te koa iŋa ꞌā. E uꞌi mai ena i a mātou pa he nuꞌu veve, ꞌe, ka ai atu pē ira, e rahi rō ꞌā te nuꞌu haka ꞌono e mātou. E tuꞌu rō ꞌā pa he meꞌe ena ē: ꞌina e tahi mātou meꞌe, ꞌe te parautiꞌa e ai tahi rō ꞌā.

1 Timoteo 6:9

ꞌE te nuꞌu haŋa mo ꞌono e haka ꞌatu rō e te rauhuru meꞌe mo hara. Pē ira he ravaꞌa riva-riva i a rāua e te pohe ki te meꞌe taꞌe tano ꞌe maꞌa-maꞌa, he meꞌe mo maꞌu i a rāua ki roto i te ꞌati ꞌe ki roto i te ūtuꞌa.

Tanatiako 2:5

Ka haka roŋo mai, e te taina haŋa rahi ē: te ꞌAtua ko haꞌataꞌa ꞌana i te nuꞌu veve mo ꞌono ꞌi te haka moe iŋa i te manaꞌu ꞌi ruŋa i a ia, ꞌe, takoꞌa, mo ai i a rāua te hōrea kī e ia mo te nuꞌu haŋa ki a ia: he oꞌo o rāua ki roto i te nūnaꞌa taŋata haka tere e ia.

Meꞌe Haka Takeꞌa 2:9

‘E ꞌite rō ꞌana a au i te rahi o te ꞌati e ꞌamo ena e koe, ꞌe i tuꞌu veve, ka ai atu te parautiꞌa mau he ꞌono koe. E ꞌite takoꞌa rō ꞌana a au pē hē e vānaŋa taꞌe tano ena o ruŋa ōꞌou e te nuꞌu kī he ⌊hūrio⌋ a rāua ꞌe te parautiꞌa mau he nūnaꞌa rāua ꞌa Rukifero.