Ruka 12:18 - Rapa Nui

¹⁸ He kī ia ki a ia ꞌā: “¡Ko ꞌite ꞌana a au i tāꞌaku meꞌe mo aŋa! He haka marere a au i tāꞌaku ŋā karapone era mo aŋa i te karapone ꞌata nu-nui mo hāpaꞌo tahi o te kai ꞌe o tāꞌaku meꞌe taꞌatoꞌa.

Ruka 12:18 ပူးပေါင်းရင်းမြစ်များ

Māteo 6:26

»E uꞌi rā te manu: ꞌina he ꞌoka, ꞌina he kato ꞌe ꞌina he hāpaꞌo i te kai ꞌi roto i te hare haꞌaputu kai. Ka ai atu pē ira, te Matuꞌa o kōrua ꞌi te raŋi e hāŋai rō ꞌana i a rāua. ꞌE a kōrua i hau rō atu ꞌi te hauhaꞌa ki te manu.

Ruka 12:17

He noho rā taŋata he haka topa i tōꞌona manaꞌu: “¿He aha tāꞌaku meꞌe ka aŋa nei? ¿ꞌI hē a au ka hāpaꞌo nei i tāꞌaku kai rahi nei?”.

Ruka 12:19

Ki oti ka kī nei a au ki a au ꞌā: E hoa, meꞌe rahi taꞌa meꞌe hāpaꞌo ena mo te rahi o te matahiti. Ka haka ora ꞌi te hora ena, ka kai, ka unu ꞌe ka koa”.

Ruka 12:21

»Pē ira e topa ena ki te taŋata haꞌaputu mōꞌona mau nō i te hauhaꞌa ꞌe ꞌina he manaꞌu ki te meꞌe haŋa o te ꞌAtua».

Ruka 12:24

»E uꞌi rā te manu: ꞌina he ꞌoka ꞌe ꞌina he kato i te kai, ꞌe ꞌina takoꞌa he karapone o rāua mo haꞌaputu ꞌe mo hāpaꞌo o te kai. Ka ai atu pē ira, e vaꞌai rō ꞌana e te ꞌAtua hai kai. ꞌE, a kōrua, mo te ꞌAtua, ꞌata hau rō atu ꞌi te hauhaꞌa ki te manu.

Ruka 18:4

»Meꞌe rahi te mahana o rā viꞌe i oho mo vānaŋa ki rā taŋata, ꞌe ꞌina he haŋa mo haka roŋo i tāꞌana ture. He manaꞌu ia e rā taŋata: “Kope taꞌe moꞌa a au i te ꞌAtua ꞌe taꞌe haŋa ki te taŋata.

Ruka 18:6

He kī e Ietū: «Ka haka topa rā kōrua i te manaꞌu ki te pūꞌoko haka tere taꞌe tano era o te hare ture.

Tanatiako 3:15

Taꞌe o te ꞌAtua te huru ena; he meꞌe o te ao nei, o te taŋata ꞌe o Rukifero.

Tanatiako 4:13

Ka haka roŋo mai e te nuꞌu kī pē nei ē: «ꞌArīnā ꞌo āpō he oho tātou ki te kona e tahi, ꞌi ira ka noho ka hoꞌo ena e tahi matahiti ka ꞌī rō te moni».

Tanatiako 4:15

Te meꞌe mau o kōrua mo kī: «Ana haŋa te ꞌAtua he ora tātou, ꞌe ana haŋa takoꞌa a ia he aŋa tātou i te meꞌe nei ꞌo i te meꞌe era».