Ruka 12:17 - Rapa Nui

¹⁷ He noho rā taŋata he haka topa i tōꞌona manaꞌu: “¿He aha tāꞌaku meꞌe ka aŋa nei? ¿ꞌI hē a au ka hāpaꞌo nei i tāꞌaku kai rahi nei?”.

Ruka 12:17 ပူးပေါင်းရင်းမြစ်များ

Māteo 16:7

He haꞌamata ia tū nuꞌu hāpī era ꞌa Ietū he vānaŋa ꞌi roto i a rāua ꞌā ꞌe he kī: «I kī mai ena i te vānaŋa ena ꞌo te ꞌite kai maꞌu mai tātou i te haraoa».

Māteo 5:42

Te kope haŋa e tahi meꞌe mai i a koe, e vaꞌai, ꞌe ki te kope no-noꞌi atu, ꞌina ko hārui hai tuaꞌivi.

Ruka 10:25

He oho e tahi ⌊maꞌori o te haka tere hūrio⌋ he vānaŋa ararua ko Ietū mo haka ꞌatu pē hē ka pāhono era, he ꞌui: —E te Maꞌori, ¿he aha tāꞌaku meꞌe mo aŋa mo ravaꞌa e au i te ora ꞌāpī ꞌina he hopeꞌa raꞌa vaꞌai e te ꞌAtua?

Ruka 11:41

ꞌO ira, e vaꞌai ki te nuꞌu veve i te meꞌe hai manaꞌu riva-riva; pē ira ana takeꞌa i te maꞌitaki o te roto ꞌe o te haho.

Ruka 12:16

He ꞌaꞌamu ia i te ꞌaꞌamu haꞌaauraꞌa nei: «E tahi taŋata ꞌono, i ꞌoka era i tōꞌona henua, he topa te mau.

Ruka 12:18

He kī ia ki a ia ꞌā: “¡Ko ꞌite ꞌana a au i tāꞌaku meꞌe mo aŋa! He haka marere a au i tāꞌaku ŋā karapone era mo aŋa i te karapone ꞌata nu-nui mo hāpaꞌo tahi o te kai ꞌe o tāꞌaku meꞌe taꞌatoꞌa.

Ruka 12:22

He kī ia a Ietū i te meꞌe nei ki tāꞌana nuꞌu hāpī: «ꞌIna ko manaꞌu rahi kōrua o ruŋa o te meꞌe mo kai ꞌe o ruŋa o te kahu mo uru.

Ruka 12:29

»ꞌIna kōrua ko manaꞌu rahi o ruŋa i te meꞌe mo kai ꞌe o ruŋa i te meꞌe mo unu.

Ruka 12:33

Te kōrua meꞌe e hoꞌo ꞌe e vaꞌai te moni ki te veve. Pē ira he ai te kōrua hauhaꞌa e ko pau ꞌi ruŋa i te raŋi, kona pa he pūtē ena ꞌā ka ꞌī atu, e ko paihi ki te hora hopeꞌa, kona e ko tuꞌu te toke-toke ꞌe te manuꞌino e ko kai.

Ruka 16:3

»He noho ia rā tāvini he manaꞌu: “¿He aha tāꞌaku meꞌe ka aŋa nei ka haka eꞌa nei i a au mai te aŋa? ꞌIna ōꞌoku haŋu toe mo aŋa i te aŋa paŋahaꞌa, ꞌe he haꞌamā au mo oho mo noꞌi-noꞌi.

Ruka 16:9

ꞌO ira ꞌī a au he kī atu: te hauhaꞌa o kōrua o te nuꞌu haka moe i te manaꞌu ꞌi ruŋa i te ꞌAtua e vaꞌai mo hāꞌūꞌū ki te rua ki ai ai te kōrua repahoa ꞌi te ao nei, ꞌe ki ai ai, ꞌi te hora o te kōrua mate, te kōrua repahoa ꞌi te raŋi mo toꞌo i a kōrua.

Ruka 18:22

I ŋaroꞌa era e Ietū, he kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Ruka 19:17

He pāhono e tū ꞌariki era: “Ko tano ꞌā. Tāvini riva-riva mau ꞌā a koe. He haꞌatura ōꞌou ꞌi te meꞌe ꞌiti-ꞌiti pē nā, he haka suerekao koe e au o te kona e hoꞌe ꞌahuru”.

Ruka 3:11

He pāhono e Iovani: —Te taŋata ai e rua ōꞌona kahu, ka vaꞌai e tahi ki te taŋata ꞌina he kahu; ꞌe te taŋata e ai rō ꞌā tāꞌana kai, ka vaꞌai to te taŋata ꞌina ꞌāꞌana kai.

Aŋa o te ꞌĀpōtoro 16:30

He toꞌo i a rāua mai roto i tū kona hopeꞌa era o te raro nui ꞌe he ꞌui: —¿He aha tāꞌaku meꞌe mo aŋa mo eꞌa mai roto i te ūtuꞌa o te hara?

Aŋa o te ꞌĀpōtoro 2:37

I ŋaroꞌa era i rā meꞌe e te nuꞌu taka-taka ꞌi tū kona era, he oꞌo te mamae ki roto i te māhatu, ꞌe he ꞌui ki a Pētero ꞌe ki te tētahi ꞌāpōtoro: —E kuā taina, ¿he aha te mātou meꞌe mo aŋa?

Rōmano 12:13

E hāꞌūꞌū kōrua ki te nuꞌu haꞌataꞌa e te ꞌAtua māꞌana ai o te ꞌati. E hāpaꞌo riva-riva te nuꞌu tuꞌu atu ki te kōrua hare.

1 Timoteo 6:17

Ki te nuꞌu ꞌono o te ao nei e kī: ꞌina ko manaꞌu i a rāua mau nō te tano, ꞌe ꞌina ko haka noho i te rāua manaꞌu ꞌi ruŋa i te hauhaꞌa; te hauhaꞌa, paꞌi, e ko roa he pau tahi. Te meꞌe o rāua mo aŋa he haka noho i te manaꞌu ꞌi ruŋa i te ꞌAtua. ꞌĀꞌana, paꞌi, te vaꞌai mai ki a tātou i te meꞌe taꞌatoꞌa hai mau mo koa o tātou.

1 Iovani 3:16

A tātou e ꞌite rō ꞌā he aha te meꞌe he haŋa ki te rua ꞌo te ai i vaꞌai rō a Ietū i a ia mo mate mo tātou. Pē ira takoꞌa ꞌā a tātou ana meꞌe mo te tātou taina.