Ruka 12:10 - Rapa Nui

¹⁰ »Te ꞌAtua e haka kore nō i te hara o te nuꞌu vānaŋa taꞌe tano mo te Poki o te taŋata; ꞌe, te nuꞌu vānaŋa taꞌe tano mo te ⌊Vārua Maitai⌋ e ko haka kore e te ꞌAtua i te hara.

Ruka 12:10 ပူးပေါင်းရင်းမြစ်များ

Ruka 23:34

He kī a Ietū: «E Koro, ka haka rehu koe i te meꞌe aŋa mai e te nuꞌu nei; kai ꞌite e aha ꞌā a rāua».] Te vaꞌehau ia ko no-noho ko pere ꞌā i te kahu o Ietū mo uꞌi ki a ai ki a ai ana topa.

1 Timoteo 1:13

ka ai atu ꞌi muꞌa ꞌā e kī rō ꞌana e au i te vānaŋa taꞌe tano mōꞌona, e tute rō ꞌana a au mo tōtōā i tāꞌana nuꞌu, ꞌe e vā-vā takoꞌa rō ꞌana i a rāua. ꞌE te ꞌAtua i haka ꞌaroha nō i a au ꞌo te ai ꞌi rā hora kai haka moe ꞌana a au i te manaꞌu ꞌi ruŋa i a Ietū, ꞌe kai ꞌite ꞌana a au he aha tāꞌaku meꞌe e aŋa era.

1 Iovani 5:16

Mo takeꞌa e tahi taŋata i tōꞌona taina e hara ꞌana, ꞌe rā hara taꞌe he hara mo haka ūtuꞌa i a ia hai mate, e pure mōꞌona, ꞌe mo te ꞌAtua e vaꞌai i te ora ꞌāpī ꞌina he hopeꞌa raꞌa ki rā taina. ꞌE nā e ai rō ꞌā e tahi hara he haka ūtuꞌa i a koe hai mate, ꞌe mo rā hara e ko kī atu e au e pure e kōrua.