Ruka 11:9 - Rapa Nui

⁹ ꞌO ira, e no-noꞌi ki te ꞌAtua, he vaꞌai atu; e kimi, he haka takeꞌa atu; e pātōtō te ꞌōpani, he mātaki atu.

Ruka 11:9 ပူးပေါင်းရင်းမြစ်များ

Māteo 21:22

ꞌE te meꞌe taꞌatoꞌa o kōrua mo no-noꞌi ꞌi roto i te pure e haka moe rō ꞌana i te manaꞌu ꞌi ruŋa i te ꞌAtua, he ravaꞌa e kōrua.

Māteo 21:31

¿Ko ai o roto i te ŋā poki era i aŋa i te meꞌe haŋa o tōꞌona matuꞌa? —He kope raꞌe era —i pāhono ai e rā nuꞌu. ꞌE he kī e Ietū: —Te parautiꞌa, te ⌊nuꞌu haka ꞌauhau i te taŋata hai moni mo te rōmano⌋ ꞌe te ŋā viꞌe taiꞌo ꞌi raꞌe ka oꞌo ena ki a kōrua ki roto i te ⌊haka tere iŋa ꞌāpī o te ꞌAtua⌋.

Māteo 6:29

Ka ai atu pē ira, ꞌina kai ai ꞌā e tahi kope i uru i te kahu hopeꞌa o te nehe-nehe pē rā ŋā tiare, korohaŋa te ꞌariki ꞌono era ko ⌊Toromono⌋.

Marko 11:24

ꞌO ira ꞌī a au he kī atu: te meꞌe taꞌatoꞌa no-noꞌi e kōrua hai pure, e manaꞌu: nā ko ai ꞌā i a kōrua rā meꞌe ꞌe he vaꞌai atu.

Marko 13:37

Te meꞌe nei e au e kī atu ena ki a kōrua, ki te taꞌatoꞌa takoꞌa a au e kī nei: ¡E veveri e ꞌara te mata!».

Ruka 11:10

Ki te kope no-noꞌi, paꞌi, he vaꞌai; ki te kope kimi, he haka takeꞌa; ꞌe ki te kope pātōtō, he mātaki ki a ia.

Iovani 14:13

ꞌE te meꞌe taꞌatoꞌa mo no-noꞌi hai ꞌīŋoa ōꞌoku he haka tano e au, ki ai ai hai Poki ka takeꞌa ena te pūai ꞌe te nui-nui o te Matuꞌa.

Iovani 15:16

»Taꞌe hai haŋa o kōrua i ai ena he nuꞌu hāpī ꞌāꞌaku. ꞌĀꞌaku kōrua i haꞌataꞌa ꞌe ko uŋa ꞌā mo ꞌata rahi te kōrua hua iŋa, te auraꞌa, mo ꞌata rahi te kōrua meꞌe riva-riva aŋa, ꞌe mo taꞌe ŋaro nā meꞌe ki te hora hopeꞌa. ꞌE te meꞌe no-noꞌi e kōrua hai ꞌīŋoa ōꞌoku he vaꞌai atu e te Matuꞌa.

Iovani 15:7

»Mo noho nō mai o kōrua ꞌi muri i a au, ꞌe mo maꞌu riva-riva i tāꞌaku hāpī nei, te meꞌe mo no-noꞌi mai e kōrua he vaꞌai atu.

Iovani 4:10

He pāhono e Ietū: —ꞌĀhani ꞌō e ꞌite rō ꞌā koe he aha te meꞌe haŋa o te ꞌAtua mo vaꞌai atu, ꞌe ꞌāhani takoꞌa e ꞌite rō ꞌā koe ko ai te meꞌe nei e no-noꞌi atu ena ki te vai, ko no-noꞌi ꞌana ia e koe ki a ia hai vai, ꞌe he vaꞌai atu i te vai vaꞌai i te ora ꞌāpī ꞌina he hopeꞌa raꞌa.

Rōmano 2:7

Ki te nuꞌu aŋa oho i te meꞌe riva-riva ꞌi te manaꞌu ki te mahana era mo haka koa ꞌe mo haka nui-nui i a rāua e te ꞌAtua, ꞌe ꞌi te haŋa mo ai ꞌi muri i a ia pe muꞌa ka oho ena, ki a rāua ka vaꞌai ena e te ꞌAtua i te ora ꞌāpī ꞌina he hopeꞌa raꞌa.

2 Kōrinto 6:2

I kī rō, paꞌi, e ia ꞌi ruŋa i te ⌊Pāpaꞌi Moꞌa⌋: «ꞌI te hora mo haka takeꞌa i tōꞌoku riva rahi, i haka roŋo atu ai au i te kōrua pure; ꞌi te mahana mo haka eꞌa i te taŋata mai roto i te ūtuꞌa o te hara, i hāꞌūꞌū atu ai au». E te taina, ko te hora nei rā hora, he mahana mo eꞌa mai roto i te ūtuꞌa o te hara.

ꞌEvereo 11:6

ꞌIna e tahi taŋata taꞌe ⌊haka moe i te manaꞌu⌋ ꞌi ruŋa i te ꞌAtua mo tano ki tōꞌona mata. Mo hāhine ki a ia, e ai he parautiꞌa mau ꞌā mōꞌou e ai rō ꞌā te ꞌAtua ꞌe e ai rō ꞌana te meꞌe mo vaꞌai ki te nuꞌu kimi i a ia.

ꞌEvereo 4:16

ꞌO ira, ꞌina tātou ko riꞌa-riꞌa mo haka hāhine hai pure ki te ꞌAtua, ki haka ꞌaroha mai ai i a tātou ꞌe, ꞌi tōꞌona riva rahi, e hāꞌūꞌū rō mai ꞌi te hora o te ꞌati.

Tanatiako 1:5

ꞌE mo ai ꞌi roto i a kōrua te kope kai ꞌite pē hē ana haka tere i a ia hai manaꞌu o te ꞌAtua ꞌi te hora o te ꞌati, e no-noꞌi ki te ꞌAtua, ꞌe māꞌana e haka ꞌite. Te ꞌAtua ki te taꞌatoꞌa nō kope no-noꞌi e hāꞌūꞌū ena ꞌina he hāito ꞌe ꞌina he haka ꞌati.

Tanatiako 5:15

ꞌE ka pure era e haka moe rō ꞌana i te manaꞌu ꞌi ruŋa i a Ietū, he haka ora e Ietū i tōꞌona māui-ui, ꞌe mo ai ko hara ꞌā, he haka kore i tōꞌona hara.

1 Iovani 3:22

ꞌe he vaꞌai mai e ia i te taꞌatoꞌa meꞌe o tātou mo no-noꞌi ꞌo te ai e haꞌatura rō ꞌana a tātou ki tāꞌana roŋo ꞌe e aŋa rō ꞌā i tāꞌana meꞌe haŋa.

Meꞌe Haka Takeꞌa 2:24

’ꞌE a kōrua, te tētahi nuꞌu haka moe i te manaꞌu ꞌi ruŋa i a au o Tiatira taꞌe maꞌu i te hāpī o te viꞌe ena, hāpī kī e te tētahi he hāpī hōhonu, ꞌe te parautiꞌa mau he hāpī ꞌa Rukifero, he kī atu a au: ꞌina a au e ko haka ꞌamo i a kōrua hai meꞌe haka ꞌou mo haꞌatura.