Ruka 11:36 - Rapa Nui

³⁶ Mo ai he mōrī nō te meꞌe o roto i tuꞌu hakari, he haka māꞌeha i tuꞌu manaꞌu mo takeꞌa riva-riva i te meꞌe taꞌatoꞌa, pa he takeꞌa iŋa o te meꞌe ꞌi te māꞌeha o te hakariꞌi».

Ruka 11:36 ပူးပေါင်းရင်းမြစ်များ

Māteo 13:52

He kī ia e Ietū: —Te ⌊maꞌori o te haka tere hūrio⌋ ꞌite ꞌe aŋi-aŋi takoꞌa o ruŋa i te haka tere iŋa ꞌāpī o te ꞌAtua e tano rō ꞌā mo hāpī o ruŋa i te meꞌe ꞌāpī ꞌe o ruŋa i te meꞌe tuai, pa he hoa hare ꞌite mo toꞌo mai roto i tāꞌana meꞌe rahi hāpaꞌo i te meꞌe ꞌāpī ꞌe i te meꞌe rūꞌau.

Māteo 5:15

ꞌIna he nuꞌu haka pura i te hakariꞌi mo haka rē ꞌi raro i te ꞌavahata; e haka rē ena ꞌi te kona ruŋa nui mo haka māꞌeha i te nuꞌu taꞌatoꞌa o roto i te hare.

Ruka 11:35

»E uꞌi ꞌo ai he pōhāhā te meꞌe o roto i a koe ꞌe he manaꞌu e koe he mōrī.

Ruka 11:37

I oti era te vānaŋa ꞌa Ietū, he kī e te taŋata fariseo e tahi mo oho mo kai ꞌi tōꞌona hare. I tuꞌu era a Ietū, he uru he noho ꞌi ruŋa i te ꞌamuramaꞌa.

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

Ēfeto 4:14

E ko ai haka ꞌou ia a tātou pa he ŋā poki e ko roa he huri te manaꞌu ꞌi te haka roŋo ki te hāpī taꞌe he parautiꞌa haka ꞌite e te nuꞌu mārama-rama ꞌite i te reo-reo.

Kōrosa 3:16

E te taina, e maꞌu te roŋo ꞌa Ietū Kiritō ꞌi roto i te kōrua māhatu, ki haka tika ai nei roŋo i te kōrua manaꞌu ꞌe i te kōrua meꞌe aŋa. E hāpī ꞌe e hatu ki te rua, hai mārama-rama, mo haꞌatura o rāua ki te ꞌAtua. E hīmene kōrua i te vānaŋa o te ꞌAtua aŋa mo hīmene, i te tētahi hīmene haꞌahana-hana mo te ꞌAtua, ꞌe i te meꞌe haka hīmene e te ⌊Vārua Maitai⌋ koia ko māuru-uru ki te ꞌAtua hai māhatu.

ꞌEvereo 5:14

ꞌE te nuꞌu paꞌari e tano rō ꞌā mo ŋau-ŋau i te kai paka-paka. Pē ira te nuꞌu manaꞌu paꞌari mo te meꞌe o te ꞌAtua e tano rō ꞌana mo aŋi-aŋi i te hāpī ꞌata hōhonu o te ꞌAtua o ruŋa i te meꞌe tano ꞌe i te meꞌe taꞌe tano mo aŋa ꞌo te ai hai rā meꞌe e haka tere ena i a rāua.

Tanatiako 1:25

ꞌE te kope taꞌe rehu te meꞌe ŋaroꞌa, hāpī mo ꞌata ꞌite ōꞌona o ruŋa i te haka tere iŋa hopeꞌa o te tī-tika haka eꞌa i te taŋata mai roto i te hara, haka tano tahi i te meꞌe aŋa ki te meꞌe kī e rā roŋo, he haꞌamaitai e te ꞌAtua ꞌi tāꞌana meꞌe taꞌatoꞌa aŋa.

2 Pētero 3:18

Te meꞌe mau o kōrua mo aŋa he uꞌi mo māhani riva-riva ki te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa, ꞌe ꞌai kōrua ka noho ka oho rō ꞌi roto i tōꞌona haŋa. ¡Ki haꞌahana-hana tātou ki a ia ꞌi te hora nei ꞌe ꞌi te hora taꞌatoꞌa! Ka ai pē ira.