Ruka 11:29 - Rapa Nui

²⁹ Ko ꞌata rahi ꞌana te nuꞌu e taka-taka e oho era. He haꞌamata haka ꞌou ia a Ietū he kī: «Te taŋata o te hora nei taŋata manaꞌu taꞌe tano. E haŋa ꞌana mo aŋa ōꞌoku i te mana, ꞌe, te meꞌe mau nō mo takeꞌa e rāua he tāpaꞌo tuꞌu pa he meꞌe topa ki te perofeta era ko ⌊Hōnā⌋.

Ruka 11:29 ပူးပေါင်းရင်းမြစ်များ

Māteo 3:7

I takeꞌa era e Iovani meꞌe rahi te ⌊fariseo⌋ ꞌe te ⌊saruseo⌋ i tuꞌu mo papatito, he kī: «¡E te huaꞌai o te kōreha veneno ē! ¿ꞌA ꞌai i kī atu he eꞌa kōrua mai roto i te ūtuꞌa nui-nui ena ko hāhine mai ꞌā?

Marko 8:38

»Te taŋata o te hora nei taŋata hara ꞌe ꞌina he haŋa mai. Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ananake mātou ko te merahi ꞌi ruŋa i a au te pūai ꞌana-ꞌana o tōꞌoku Matuꞌa».

Ruka 11:16

ꞌE tētahi atu, ꞌi te haŋa mo haka ꞌatu mo uꞌi pē hē ka meꞌe era a Ietū, he kī mo aŋa e tahi mana.

Ruka 11:50

Ki te nuꞌu o te hora nei ka haka ꞌauhau ena e te ꞌAtua i te toto raŋa o te perofeta taꞌatoꞌa mai te haꞌamata iŋa o te ao,

Ruka 12:1

I oho era he taka-taka te taŋata ka taꞌutini ka taꞌutini; ꞌi te rahi, he rei-rei i a rāua ꞌā. ꞌE a Ietū ꞌi raꞌe i haꞌamata i vānaŋa ai ki tāꞌana nuꞌu hāpī pē nei ē: «E hāpaꞌo ꞌo riro kōrua nuꞌu riva a te haho nō pa he ⌊fariseo⌋. Te huru o rāua ꞌi roto i te taŋata pa he revaura e haka ahu ena i te haraoa mata.

Ruka 9:41

He kī ia e Ietū ki te taꞌatoꞌa: —¡Ko te pūꞌoko hio-hio i a kōrua, e te nuꞌu manaꞌu taꞌe tano ꞌe taꞌe ⌊haka moe i te manaꞌu⌋ ꞌi ruŋa i te ꞌAtua ē! ¡Pa he meꞌe ena: ka ai ka oho nō atu a au ꞌi muri i a kōrua ꞌātā ki te paꞌo iŋa o te ao, ko te taꞌe haka moe iŋa mai ꞌā kōrua i te manaꞌu ꞌi ruŋa i a au! ¿ꞌĀtā ki hē rā nei ka haꞌaoromaꞌi ka oho nō nei i a kōrua? Ka maꞌu mai te poki.

Iovani 2:18

He kī e te nuꞌu hūrio ra-rahi: —Ka aŋa mai koe e tahi mana, ki ꞌite ai mātou i a koe ꞌō te parau mo aŋa i te ŋā meꞌe ena.

Iovani 6:30

He kī e rā nuꞌu: —Mo aŋa mai ōꞌou e tahi mana mo takeꞌa e mātou, he haka moe atu mātou i te manaꞌu ꞌi ruŋa i a koe. ¿He aha taꞌa mana ka aŋa mai ena?

Iovani 8:44

Te kōrua matuꞌa ko Rukifero; ꞌāꞌana kōrua, ꞌe te kōrua meꞌe haŋa mo aŋa he meꞌe haŋa ꞌāꞌana. A ia he taparahi-taꞌata tiŋaꞌi i te taŋata mai muꞌa ꞌā. ꞌIna he noho ꞌi roto i te parautiꞌa, ꞌe ꞌina e tahi parautiꞌa kī. E reo-reo ena, e vānaŋa ꞌā i tāꞌana meꞌe i ꞌite. A ia he reo-reo ꞌe he matuꞌa o te reo-reo.

1 Kōrinto 1:22

Te ⌊hūrio⌋, mo haka moe iho i te rāua manaꞌu ꞌi ruŋa i rā roŋo, e takeꞌa ꞌi raꞌe i te mana, ꞌe te ⌊kirieko⌋, e vānaŋa e te taŋata hai mārama-rama.