Ruka 11:24 - Rapa Nui

²⁴ »Te tātane e haka eꞌa ena mai roto i te taŋata he oho he kimi a te kona ꞌone taꞌe noho taŋata hai kona mo noho. ꞌI te taꞌe ravaꞌa, he manaꞌu: “ꞌĪ a au he hoki ki te hare mai ira a au i haka eꞌa mai ai”.

Ruka 11:24 ပူးပေါင်းရင်းမြစ်များ

Marko 5:10

ꞌE he ani e rā tātane ki a Ietū mo taꞌe tū-tute i a rāua mai tū henua era.

Marko 9:25

ꞌI te uꞌi o Ietū ko ꞌata rahi ko oho ꞌā te taŋata, he ture ki tū tātane era he kī: —E te tātane taꞌe haꞌatiꞌa mo vānaŋa ꞌe mo ŋaroꞌa ē, ka eꞌa koe mai roto i te poki ena, ꞌe ꞌina koe ko uru haka ꞌou ki roto.

Ruka 11:25

»Ka hoki era rā tātane, he takeꞌa i rā taŋata pa he hare e riva rō ꞌā mo noho, ko purumu ko haka riva-riva ꞌana.

Ēfeto 2:2

Te noho iŋa era o kōrua e haka tano era ki te noho iŋa taꞌe tano o te nuꞌu o te ao nei taꞌe haŋa ki te ꞌAtua, ꞌe e aŋa era i te meꞌe haŋa ꞌa Rukifero, he pūꞌoko haka tere o te tātane e noho mai ena ꞌi roto i te tokerau. ꞌĀꞌana te haka tere i te manaꞌu o te nuꞌu taꞌe haꞌatura ki te ꞌAtua.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.