Ruka 10:7 - Rapa Nui

⁷ Hare era mo toꞌo i a kōrua, e noho ꞌi ira, ꞌe ꞌina ko oho ki hare era ki hare era. E kai ꞌe e unu i te meꞌe mo vaꞌai atu; te taŋata aŋa, paꞌi, e ꞌauhau rō ꞌā.

Ruka 10:7 ပူးပေါင်းရင်းမြစ်များ

Marko 6:10

He kī e Ietū: «Ki tuꞌu kōrua ki te kona nūnaꞌa hare e tahi, e noho ꞌi te hare raꞌe nō era mo toꞌo i a kōrua ꞌātā ki te kōrua oho iŋa mai ira.

Ruka 10:6

ꞌE mo ai o te nuꞌu haumārū o nā hare, te kōrua ꞌaroha he tano; ꞌe mo taꞌe ai pē ira, e ko hauhaꞌa te kōrua ꞌaroha.

Ruka 9:4

Hare nō ena o kōrua ka tuꞌu ena, ꞌi ira ana noho ꞌātā ki te oho iŋa o kōrua mai rā kona.

Aŋa o te ꞌĀpōtoro 16:15

I haka ⌊papatito⌋ rō i a ia ananake ko te nuꞌu taꞌatoꞌa o tōꞌona hare. I oti era he kī mai: «Mo ai a au he viꞌe haka moe parautiꞌa i te manaꞌu ꞌi ruŋa i a Ietū mo kōrua, ka oho mai ia kōrua ka noho ꞌi tōꞌoku hare». He haka koni he oho mai ꞌātā ka oho rō a mātou ꞌi muri.

Aŋa o te ꞌĀpōtoro 16:34

I oti era he vaꞌai hai kai. Rā taŋata ananake ko tū nuꞌu taꞌatoꞌa era ko koa atu ꞌana ꞌo te haka moe i te manaꞌu ꞌi ruŋa i te ꞌAtua.

Aŋa o te ꞌĀpōtoro 16:40

I eꞌa era a Pauro ararua ko Tira, he oho ki te hare o tū viꞌe era ko Riria. I oti era te uꞌi, te haka koa, ꞌe te haka haŋu i te nuꞌu taina o rā hare, he eꞌa he oho mai Fīripo.

Karatia 6:6

Te kope hāpī i te vānaŋa o te ꞌAtua, e hāꞌūꞌū hai meꞌe ai ꞌāꞌana ki te maꞌori hāpī i a ia.

1 Timoteo 5:13

ꞌE taꞌe ꞌo ira nō, ꞌo māhani i te hupe-hupe, ꞌo oho ki hare era ki hare era, ꞌo haꞌamata ꞌo haꞌaꞌino i te rua, ꞌe ꞌo ꞌāmui ki roto i te ture kē koia ko kī i te vānaŋa taꞌe tano.

2 Timoteo 2:6

Te kope ꞌoka kai, māꞌana e kai raꞌe i tāꞌana kai ꞌoka.