Ruka 10:42 - Rapa Nui

⁴² E tahi mau nō meꞌe hopeꞌa o te riva-riva, ꞌe ko rā meꞌe te meꞌe haŋa ꞌa Māria, ꞌe ꞌina e tahi kope mo ravaꞌa mo toꞌo i rā meꞌe mai i a ia.

Ruka 10:42 ပူးပေါင်းရင်းမြစ်များ

Marko 8:36

»¿He aha ia te hauhaꞌa mo te kope e tahi te ai i a ia te meꞌe taꞌatoꞌa o te ao, ꞌe ꞌina i a ia te ora ꞌāpī ꞌina he hopeꞌa raꞌa?

Ruka 10:39

A Maratuka e ai rō ꞌā tōꞌona taina vahine ko ⌊Māria⌋ te ꞌīŋoa. A ia i noho ai ꞌi te vaꞌe o Ietū e haka roŋo ꞌana i tāꞌana vānaŋa.

Ruka 11:1

E tahi mahana e pure ꞌana a Ietū. I oti era he kī e tahi o roto o tāꞌana nuꞌu hāpī: —E Ietū, ka hāpī mai koe i a mātou pē hē ana pure; a Iovani Papatito, paꞌi, i hāpī rō i te pure ki tāꞌana nuꞌu hāpī.

Ruka 12:20

»He kī ia e te ꞌAtua: “Ko te maꞌa-maꞌa i a koe. ꞌArīnā mau nei ꞌā ꞌi te pō ka mate koe; ꞌe taꞌa meꞌe taꞌatoꞌa hāpaꞌo ena, ¿mā ꞌai ka hopeꞌa ena?”.

Ruka 12:33

Te kōrua meꞌe e hoꞌo ꞌe e vaꞌai te moni ki te veve. Pē ira he ai te kōrua hauhaꞌa e ko pau ꞌi ruŋa i te raŋi, kona pa he pūtē ena ꞌā ka ꞌī atu, e ko paihi ki te hora hopeꞌa, kona e ko tuꞌu te toke-toke ꞌe te manuꞌino e ko kai.

Ruka 16:2

»He uŋa e rā taŋata ki tū tāvini era mo oho ꞌe he ꞌui: “¿He aha te meꞌe kī mai nei e te nuꞌu o ruŋa ōꞌou? Ka haka ꞌite tahi mai pē hē koe i haka tere ai i tōꞌoku hauhaꞌa. E ko aŋa haka ꞌou e koe i te aŋa era”.

Ruka 16:25

»He pāhono e ꞌAparahama: “E manaꞌu koe, e haŋu ē: ko koe te meꞌe riva-riva ꞌi te hora e ora nō ꞌā, ꞌe ko Rātaro te meꞌe noho rake-rake. ꞌI te hora nei ko ia te meꞌe riva-riva, ꞌe ko koe ꞌi roto i te rake-rake.

Ruka 18:22

I ŋaroꞌa era e Ietū, he kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Ruka 8:18

»ꞌO ira, e uꞌi e haka roŋo riva-riva tāꞌaku hāpī. Te kope aŋi-aŋi ꞌe toꞌo mōꞌona i te parautiꞌa o te ꞌAtua he ꞌata haka aŋi-aŋi e te ꞌAtua. ꞌE te kope ꞌina he toꞌo mōꞌona, ꞌātā ki te meꞌe manaꞌu ko ꞌite ꞌā e ia ka toꞌo ena».

Iovani 11:1

He taŋata māui-ui e tahi te ꞌīŋoa ko Rātaro. E noho era ꞌi Vētānia ananake ko tōꞌona taina ko ⌊Māria⌋ ꞌe ko Maratuka.

Iovani 11:19

ꞌe nuꞌu rahi te nuꞌu hūrio i oho i uꞌi i a Māria ararua ko Maratuka mo ꞌaroha ꞌe mo hokorua ꞌi te rāua ꞌati.

Iovani 12:3

He maꞌu ia e ⌊Māria⌋ e tahi ꞌapa o te manoꞌi he nardo, manoꞌi hopeꞌa o te karo, he huri a ruŋa i te vaꞌe o Ietū ꞌe ꞌai ka haroꞌi hai rauꞌoho ōꞌona. He puneki rō atu ꞌai te ꞌeo o tū hare era.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Iovani 4:14

ꞌe, te kope unu i te vai vaꞌai e au, e ko pohe haka ꞌou. Te vai vaꞌai e au ꞌi roto i a ia pa he kona tehe vai ꞌina he oti ꞌe mai ira he ravaꞌa e ia i te ora ꞌāpī ꞌina he hopeꞌa raꞌa vaꞌai e te ꞌAtua.

Iovani 5:24

»ꞌĪ a au he kī atu: te kope haka roŋo i tāꞌaku vānaŋa ꞌe haka moe i tōꞌona manaꞌu ꞌi ruŋa i te kope uŋa mai i a au, i a ia te ora ꞌāpī ꞌina he hopeꞌa raꞌa, ꞌe ꞌina he ūtuꞌa mōꞌona. Ko haka eꞌa ꞌana, paꞌi, e te ꞌAtua mai te ara o te mate ꞌe ko haka noho ꞌana ꞌi roto i te ara o te ora.

Iovani 6:27

ꞌIna kōrua ko aŋa ki te kai ena e pau rō ꞌā, ki te kai ꞌina e ko pau vaꞌai i te ora ꞌāpī ꞌina he hopeꞌa raꞌa kōrua ana aŋa. Ko te kai ena te kai mo vaꞌai atu e te ⌊Poki o te taŋata⌋ ꞌo te ai te ꞌAtua, he Matuꞌa, ko vaꞌai ꞌana ki a ia i te parau mo vaꞌai atu.

1 Kōrinto 13:3

ꞌE mo tuhaꞌa ōꞌoku ki te nuꞌu veve i te meꞌe taꞌatoꞌa ꞌāꞌaku, ꞌe ꞌātā he vaꞌai a au i tōꞌoku hakari mo tutu ꞌi roto i te ahi, ꞌe ꞌina a au he haŋa ki te rua, ꞌina ia e tahi hauhaꞌa o rā meꞌe.

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.