Ruka 10:35 - Rapa Nui

³⁵ »ꞌI te rua mahana, he vaꞌai ki te taŋata era ōꞌona rā hare e rua ⌊renario⌋, he kī: “Ka hāpaꞌo koe i te taŋata nei. Mo ꞌata pau ōꞌou, māꞌaku e ꞌauhau atu ki hoki haka ꞌou mai a au”».

Ruka 10:35 ပူးပေါင်းရင်းမြစ်များ

Māteo 18:28

»I eꞌa i oho era rā kope he piri te hokorua e tahi e ai rō ꞌā te tārahu ꞌiti-ꞌiti o rā hokorua mōꞌona. He ꞌa-ꞌaru he ŋatu i te ŋao ꞌai ka kī e rā kope: “¡Ka ꞌauhau mai tuꞌu tārahu!”.

Māteo 20:2

He haꞌaꞌau ki rā nuꞌu mo ꞌauhau hai moni tano mo te mahana aŋa e tahi, ꞌe he uŋa he haka aŋa ꞌi tū kona vino era.

Ruka 10:34

He haka hāhine ki tū taŋata era, he rāꞌau hai ꞌava ꞌe hai mōrī, ꞌe he viri hai tapa kahu i te more. I oti era he haka eke ki ruŋa i te muni, he maꞌu he oho ki te hare e tahi ꞌe he noho he hāpaꞌo.

Ruka 10:36

He ꞌui ia e Ietū: —Ki taꞌa kī, ¿ko ai o roto o te ŋāŋata era hoko toru i haŋa ki tū taŋata toke era e te nuꞌu?

Ruka 14:13

»Ana aŋa koe i te kai, ko te koa i a koe mo kī ki te nuꞌu veve, ki te nuꞌu vaꞌe koke, ki te nuꞌu hakari taꞌe makenu ꞌe ki te nuꞌu matapō mo oho atu.

Rōmano 16:23

ꞌE ꞌī a Kāio e ꞌaroha atu ena mo kōrua. E noho nei a au ꞌi tōꞌona hare, he kona haka rē e ia mo taka-taka o te nūnaꞌa taŋata haka moe i te manaꞌu ꞌi ruŋa i a Ietū. ꞌE ꞌī e ꞌaroha takoꞌa atu ena a Erato, he kope hāpaꞌo moni o te kona nei, ꞌe te tātou taina ko Kuarato. [