Ruka 10:28 - Rapa Nui

²⁸ He kī e Ietū: —Ko tano ꞌā taꞌa pāhono. Mo aŋa ōꞌou pē ira, he ravaꞌa e koe te ora ꞌāpī ꞌina he hopeꞌa raꞌa.

Ruka 10:28 ပူးပေါင်းရင်းမြစ်များ

Māteo 19:17

He pāhono e Ietū: —¿He aha rā koe e ꞌui mai ena o ruŋa i te meꞌe he riva-riva? Te kope riva e tahi mau nō: he ꞌAtua. ꞌE mo haŋa ōꞌou mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua, e haꞌatura tāꞌana roŋo.

Marko 12:34

I ŋaroꞌa era e Ietū hai manaꞌu riva-riva i pāhono ai e tū maꞌori era, he kī: —Ko hāhine ꞌā koe mo oꞌo ki roto i te ⌊haka tere iŋa ꞌāpī o te ꞌAtua⌋. ꞌE, ꞌi te tano o te pāhono ꞌa Ietū, ꞌina e tahi kope i ꞌui haka ꞌou e tahi meꞌe.

Ruka 7:43

He pāhono e Tīmona: —Ki tōꞌoku manaꞌu, ko te taŋata ꞌata rahi era o te tārahu. He kī e Ietū: —He aŋi ꞌā tāꞌau.

Rōmano 10:4

Te haŋa: he haka tano e te ꞌAtua i a rāua ki tōꞌona mata hai haꞌatura o rāua ki te ⌊haka tere iŋa ꞌa Mōtē⌋. ꞌE te parautiꞌa mau, hai tuꞌu iŋa mai era o Ietū Kiritō i kore ai te hauhaꞌa o te meꞌe ena he haꞌatura ki rā haka tere iŋa mo tano o te taŋata ki te mata o te ꞌAtua. Hora nei taŋata nō era mo ⌊haka moe i te manaꞌu⌋ ꞌi ruŋa i a Ietū e tano rō ꞌā ki te mata o te ꞌAtua.

Rōmano 3:19

Pē ira e hāꞌaki ena ꞌi ruŋa i te Pāpaꞌi Moꞌa. ꞌE ko ꞌite ꞌana e tātou: taꞌatoꞌa meꞌe kī o ruŋa e kī ena mo te nuꞌu ki a rāua i vaꞌai ai, ꞌo ꞌōtohe pē nei ē: ꞌina rāua hara, ꞌe ꞌo taꞌe ꞌite pē nei ē: te taŋata taꞌatoꞌa e hape rō ꞌā ꞌe ko tano ꞌā mo haka ūtuꞌa e te ꞌAtua.

Rōmano 7:10

ꞌe e ꞌava-ꞌava rō ꞌana e noho era mai te ꞌAtua. Pē ira, te haka tere iŋa nei ꞌa Mōtē, he meꞌe mo maꞌu i a tātou a te ara o te ora, i riro ai he meꞌe mo maꞌu i a tātou ki te mate.

Karatia 3:12

ꞌE, mo ravaꞌa tāꞌue e te kope e tahi mo haꞌatura tahi i rā roŋo, i a ia takoꞌa ia te ora ꞌāpī ꞌina he hopeꞌa raꞌa, ka ai atu ꞌina he haka moe i te manaꞌu ꞌi ruŋa i te ꞌAtua. Nā, paꞌi, e kī rō ꞌana ꞌi ruŋa i te Pāpaꞌi Moꞌa: «Te kope haꞌatura ki te haka tere iŋa taꞌatoꞌa ꞌa Mōtē he ravaꞌa i te ora ꞌāpī ꞌina he hopeꞌa raꞌa».