Ruka 10:21 - Rapa Nui

²¹ ꞌI rā hora, ꞌi te ꞌī o Ietū e te ⌊Vārua Maitai⌋, he toꞌo rō atu ꞌai te koa ꞌe he kī: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai. ꞌĒ-ē, pē ira mau ꞌā koe i haŋa ai, e Koro ē».

Ruka 10:21 ပူးပေါင်းရင်းမြစ်များ

Māteo 16:17

He kī e Ietū: —¡Ko te koa i a koe, e Tīmona, poki ꞌa Hōnā ē! Te meꞌe ꞌite ena e koe taꞌe o te taŋata i haka ꞌite atu, o tōꞌoku Matuꞌa o te raŋi.

Māteo 21:16

ꞌe he kī ki a Ietū: —¿E ŋaroꞌa rō ꞌana e koe te meꞌe e ohu ena e te ŋā poki? He pāhono e Ietū: —ꞌĒ-ē, ꞌī e au e ŋaroꞌa mai nei. ꞌE, ¿taꞌe ꞌō ko taiꞌo ꞌā e kōrua ꞌi ruŋa i te Pāpaꞌi Moꞌa te kī iŋa o ruŋa i te meꞌe ena? Pē nei e kī ena: «ꞌĀꞌau i haŋa mo ai mai te haha o te ŋā poki riki-riki ꞌe o te ŋā poki e ꞌomo-ꞌomo nō ꞌā i te ū te haꞌahana-hana tano mōꞌou».

Māteo 3:7

I takeꞌa era e Iovani meꞌe rahi te ⌊fariseo⌋ ꞌe te ⌊saruseo⌋ i tuꞌu mo papatito, he kī: «¡E te huaꞌai o te kōreha veneno ē! ¿ꞌA ꞌai i kī atu he eꞌa kōrua mai roto i te ūtuꞌa nui-nui ena ko hāhine mai ꞌā?

Marko 10:15

ꞌĪ a au he kī atu: te kope taꞌe haka rē mo haka tika i a ia e te ꞌAtua, pa he haka rē iŋa o te ŋā poki mo haka tika i a rāua e te rua, e ko oꞌo ki roto i te haka tere iŋa ꞌāpī ꞌāꞌana».

Ruka 15:5

ꞌE, ka ravaꞌa era, he toꞌo rō atu ꞌai te koa, he ꞌamo ki te tuaꞌivi he maꞌu he oho.

Ruka 15:9

ꞌE, ka ravaꞌa era, he haka taka-taka i tōꞌona repahoa he kī: “Ki koa tātou; ko ravaꞌa haka ꞌou mai ꞌā e au tū tara ꞌaurī ŋaro era”.

Iovani 11:41

He ketu ia e te nuꞌu i rā māꞌea. He uꞌi a Ietū a te raŋi ꞌe he kī: «E Koro ōꞌoku ē, he māuru-uru atu a au ꞌo tuꞌu haka roŋo mai.

2 Kōrinto 4:3

ꞌE mo ai o te meꞌe puru i te manaꞌu ꞌo aŋi-aŋi i te auraꞌa parautiꞌa o te roŋo riva-riva haka ꞌite e mātou, mo te nuꞌu taꞌe eꞌa mau nō mai roto i te ūtuꞌa o te hara ka ai ena.

Ēfeto 1:11

I haꞌataꞌa ai i a tātou, ꞌi muꞌa ꞌā, e te ꞌAtua mo nuꞌu ꞌāꞌana hai Ietū Kiritō, he meꞌe i manaꞌu e ia mo aŋa. Te ꞌAtua, paꞌi, e haka tano tahi rō ꞌana i tāꞌana meꞌe haŋa ꞌe i tāꞌana meꞌe manaꞌu.

Ēfeto 1:5

i manaꞌu ai mo haka riro i a tātou he ŋā poki ꞌāꞌana hai meꞌe aŋa e Ietū Kiritō. Te meꞌe nei i aŋa ai e te ꞌAtua he riva rahi ōꞌona ꞌe ꞌi te ai ko haŋa ꞌana e ia.