Ruka 10:18 - Rapa Nui

¹⁸ He kī e Ietū: —ꞌĒ-ē, i takeꞌa rō e au i a Rukifero te viri iŋa mai te raŋi pa he ꞌuira.

Ruka 10:18 ပူးပေါင်းရင်းမြစ်များ

Māteo 4:10

He pāhono e Ietū: —¡Ka mahiti koe ka oho, e Rukifero ē! Ko pāpaꞌi era ꞌana ꞌi ruŋa i te Pāpaꞌi Moꞌa: «E haꞌamuri koe ki a Iehoha ki tuꞌu ꞌAtua ꞌe ki a ia mau nō koe ana tāvini».

Iovani 12:31

He hora era nei mo kī i te ūtuꞌa mo te taŋata taꞌatoꞌa o te ao ꞌe mo rē o te ꞌAtua ki te kope ꞌāꞌana te haka tere i te ao nei ko Rukifero.

Iovani 16:11

ꞌe te kope ꞌi ruŋa i a ia ka topa ena te ture o te ꞌAtua: ko te kope ena ꞌāꞌana te ao te haka tere, te auraꞌa, ko Rukifero, he kope ko ai era ꞌā tōꞌona ūtuꞌa.

ꞌEvereo 2:14

ꞌI te ai o te ŋā poki o te ꞌAtua he taŋata e mate nō i haka riro ai a Ietū i a ia he taŋata, ki mate takoꞌa ai ꞌe ki haka kore ai, hai mate era ōꞌona, i te pūai o te kope i a ia te mate, te auraꞌa, ko Rukifero.

1 Iovani 3:8

ꞌE te kope aŋa i te meꞌe taꞌe tano ꞌa Rukifero. Mai te haꞌamata iŋa o te ao, paꞌi, a Rukifero e hara e oho mai ena. ꞌE te Poki o te ꞌAtua i oho mai ai mo te meꞌe mau nei ꞌā: mo haka kore i te meꞌe aŋa e Rukifero.

Meꞌe Haka Takeꞌa 20:2

He ꞌa-ꞌaru ia e rā merahi i te manuꞌino nui-nui mea-mea era, he kōreha o te noho iŋa tuai era ꞌā, he tātane era ko Rukifero, he here-here hai vivi e hoꞌe taꞌutini matahiti.

Meꞌe Haka Takeꞌa 9:1

He puhi te rima merahi i tāꞌana koneta. He takeꞌa e au i te hetuꞌu e tahi viri ki ruŋa i te henua. Te hetuꞌu nei he merahi o te kona pū ꞌina he hopeꞌa o te raro nui. Ki a ia i vaꞌai ai i te tāviri o rā kona.