Ruka 10:11 - Rapa Nui

¹¹ “¡Te puŋaꞌehu o te kona nei puhia mai ki ruŋa i te mātou vaꞌe ꞌī e mātou he tū-tū mo ꞌite e kōrua pē nei ē: te ūtuꞌa o te ꞌAtua ka topa atu ena, i a kōrua ꞌā! ꞌE, e ꞌite takoꞌa: te haka tere iŋa ꞌāpī o te ꞌAtua nā ko hāhine mai ꞌana”.

Ruka 10:11 ပူးပေါင်းရင်းမြစ်များ

Māteo 10:14

»ꞌE mo taꞌe haŋa mo toꞌo i a kōrua ki te rāua hare ꞌe mo taꞌe haka roŋo atu i te kōrua vānaŋa, ka eꞌa mai rā hare ꞌo mai te kona era ꞌi ira a kōrua ꞌe ꞌai ka tū-tū rō te puŋaꞌehu mai ruŋa i te kōrua vaꞌe mo haka ꞌite ki te nuꞌu o rā kona: ka topa era ꞌi ruŋa i a rāua te ūtuꞌa o te ꞌAtua, he hape o rāua mau ꞌā.

Māteo 10:7

»Ka oho ka haka ꞌite: “Te ⌊haka tere iŋa ꞌāpī o te ꞌAtua⌋ nā ko hāhine mai ꞌā”.

Māteo 3:2

ꞌI roto i tāꞌana tātara e kī era: «¡Ka ⌊huri te kōrua manaꞌu⌋ ki te ꞌAtua; te haka tere iŋa ꞌāpī ōꞌona ko hāhine mai ꞌā!».

Marko 6:11

ꞌE mo tuꞌu kōrua ki te kona ꞌina he haŋa atu ꞌe ꞌina he haka roŋo atu te nuꞌu o ira, e tū-tū te puŋaꞌehu mai te kōrua vaꞌe mo haka ꞌite ki rā nuꞌu: ka topa era ꞌi ruŋa i a rāua te ūtuꞌa o te ꞌAtua, he hape o rāua mau ꞌā, ꞌe ꞌai kōrua ka oho rō mai ira».

Ruka 10:10

»ꞌE, ka tuꞌu ena kōrua ki te kona ꞌina he nuꞌu o ira he haŋa mo haka roŋo atu, ka eꞌa ki te ara ꞌai ka kī rō:

Ruka 10:9

E haka ora te nuꞌu māui-ui o nā kona ꞌe ꞌai ka kī rō: “Te haka tere iŋa ꞌāpī o te ꞌAtua nā ko hāhine mai ꞌā”.

Ruka 9:5

E tuꞌu ꞌā kōrua ki te kona nūnaꞌa hare ꞌina he nuꞌu o ira he haŋa atu, e tū-tū te puŋaꞌehu mai te kōrua vaꞌe mo haka ꞌite ki rā nuꞌu: ka topa era ꞌi ruŋa i a rāua te ūtuꞌa o te ꞌAtua, he hape o rāua mau ꞌā, ꞌe ꞌai kōrua ka oho rō mai rā kona».

Aŋa o te ꞌĀpōtoro 13:26

»E tōꞌoku taina haka ara takoꞌa mai i a ⌊ꞌAparahama⌋ ꞌe e te taŋata o te rua henua moꞌa i te ꞌAtua ē: te roŋo riva-riva o te eꞌa iŋa o te taŋata mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa mo tātou taꞌatoꞌa.

Aŋa o te ꞌĀpōtoro 13:40

E hāpaꞌo ꞌo topa rō atu ꞌi ruŋa i a kōrua te meꞌe pāpaꞌi e te perofeta pē nei ē:

Aŋa o te ꞌĀpōtoro 13:46

A Pauro ꞌe a Verenāvē, ꞌina he riꞌa-riꞌa, he pāhono: «Te vānaŋa o te ꞌAtua ꞌi raꞌe a māua ana haka ꞌite atu ki a kōrua ki te hūrio. I taꞌe haŋa ena e kōrua ki tāꞌana vānaŋa, e takeꞌa ena: a kōrua he nuꞌu ꞌina he tano mo te ora ꞌāpī ꞌina he hopeꞌa raꞌa vaꞌai e te ꞌAtua. ꞌO ira, hora nei he oho a māua ki te nuꞌu taꞌe he hūrio.

Aŋa o te ꞌĀpōtoro 13:51

He tū-tū ia a kuā Pauro i te puŋaꞌehu mai te rāua vaꞌe mo haka ꞌite ki rā nuꞌu: ka haka ūtuꞌa era i a rāua e te ꞌAtua, i a rāua ꞌana, ꞌe he eꞌa ararua he oho ki Īkōnio.

Rōmano 10:21

ꞌE mo te itaraera i kī takoꞌa ai e te ꞌAtua i haka pāpaꞌi ki a ꞌItaia: «Te aŋa nō ꞌāꞌaku he haka toro i tōꞌoku rima ki te hau haka ꞌāriŋa ꞌe taꞌe haka roŋo».

Rōmano 10:8

Te meꞌe mau nō ꞌāꞌau mo manaꞌu: «Te roŋo o te ꞌAtua nā ꞌi muri i a koe mau ꞌā: ꞌi roto i tuꞌu māhatu ꞌe ꞌi roto i tuꞌu haha». Te roŋo nei ko te meꞌe ena: e haka moe te manaꞌu ꞌi ruŋa i a Ietū, he meꞌe nei o mātou e haka ꞌite e oho nei.

ꞌEvereo 1:3

Te ꞌana-ꞌana ꞌe te pūai nui-nui o te ꞌAtua e takeꞌa ena ꞌi ruŋa i tāꞌana Poki; a ia he ꞌāriŋa mau ꞌā o te ꞌAtua, ꞌe ꞌāꞌana te haka noho i te meꞌe taꞌatoꞌa o te ao ꞌi tōꞌona kona hai kī mau nō e ia. I tuꞌu mai era ki te ao nei, he aŋa tahi i tāꞌana meꞌe taꞌatoꞌa mo aŋa mo haka kore e te ꞌAtua i te tātou hara. I oti tahi era nei aŋa, he hoki ki te raŋi ꞌe he noho ꞌi te pāꞌiŋa mataꞌu o te ꞌAtua.