Ruka 1:76 - Rapa Nui

⁷⁶ He vānaŋa ia a Taharia ki tāꞌana poki: «E haŋu ꞌāꞌaku ē, e kī rō i a koe he perofeta o te ꞌAtua, ꞌo te ai māꞌau e haka riva-riva i te ara o te Kiritō

Ruka 1:76 ပူးပေါင်းရင်းမြစ်များ

Māteo 14:5

A ꞌErore e haŋa rō ꞌā mo tiŋaꞌi i a Iovani. Te meꞌe nō, e riꞌa-riꞌa rō ꞌā ꞌi te nuꞌu; taꞌatoꞌa nō, paꞌi, e manaꞌu era a Iovani he perofeta.

Māteo 21:26

ꞌE, e ko tano tātou mo kī: “O te taŋata i uŋa mai”. E riꞌa-riꞌa rō ꞌana, paꞌi, a tātou ꞌi te nuꞌu; a rāua taꞌatoꞌa e manaꞌu ena a Iovani he perofeta».

Māteo 3:11

»Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Māteo 3:3

Te perofeta era ko ꞌItaia i vānaŋa rō o ruŋa i a Iovani ꞌi te hora kī pē nei ē: «E tahi reꞌo e ohu ꞌana ꞌi te kona ꞌone taꞌe noho taŋata: “Ka haka riva-riva te ara mo te Kiritō; ka mātaki e tahi ara tī-tika”».

Marko 11:32

ꞌE, takoꞌa, e ko tano tātou mo kī: o te taŋata i uŋa mai». Rā nuꞌu ra-rahi era, paꞌi, e riꞌa-riꞌa rō ꞌā ꞌi te taŋata ꞌo te ai te nuꞌu taꞌatoꞌa e manaꞌu era he perofeta a Iovani.

Ruka 1:32

E riro rō a ia he taŋata hōnui; e kī rō he Poki o te ꞌAtua. ꞌE, pa he haka ꞌariki iŋa era o te ꞌAtua i tōꞌona tupuna i a Tāvita, ka haka ꞌariki takoꞌa ena i a ia.

Ruka 1:35

He pāhono e te merahi: —E topa rō atu te Vārua Maitai, ꞌe ꞌi ruŋa i a koe ka noho ena te mana o te ꞌAtua. ꞌO ira te poki ka poreko ena ꞌina e ko ravaꞌa e te hara; e kī rō he Poki o te ꞌAtua.

Ruka 6:35

»E haŋa kōrua ki te nuꞌu te rāua manaꞌu mau nō he tōtōā atu ꞌe e aŋa takoꞌa te meꞌe riva-riva ki a rāua. ꞌE mo no-noꞌi atu mo haka tārahu, e vaꞌai ꞌe ꞌina kōrua ko tiaki mo haka hoki atu. Pē ira he ai te meꞌe hopeꞌa o te nui-nui o te ꞌAtua mo haka koa i a kōrua, ꞌe hai meꞌe nei ka takeꞌa ena: he ŋā poki mau ꞌā kōrua o te ꞌAtua. A ia, paꞌi, ꞌAtua riva takoꞌa ki te nuꞌu taꞌe ꞌite i te māuru-uru ki a ia ꞌe ki te nuꞌu aŋa i te meꞌe taꞌe tano.

Iovani 1:23

He pāhono e Iovani: —A au he reꞌo e ohu ꞌana ꞌi te kona ꞌone taꞌe noho taŋata: «Ka mātaki e tahi ara tī-tika mo te Kiritō», pa he kī iŋa era e te perofeta era ko ꞌItaia.

Iovani 1:27

I tuꞌa i a au ka tuꞌu mai ena. ꞌE, ꞌi tōꞌona hōnui, e ko tano a au mo noi mo kume i te hau o tōꞌona kirivaꞌe.

Iovani 3:28

Ko ŋaroꞌa ꞌana e kōrua i tōꞌoku kī iŋa taꞌe a au he ⌊Kiritō⌋, he taŋata nō au e tahi uŋa mai ꞌi muꞌa i a ia.

Aŋa o te ꞌĀpōtoro 16:17

Te aŋa o nei poki he oho mai ꞌi tuꞌa o mātou ko kuā Pauro koia ko ohu: «¡Te ŋāŋata nei he tāvini o te ꞌAtua, kope haka tere i te meꞌe taꞌatoꞌa o te ao. E haka ꞌite atu ꞌā i te ara mo eꞌa o kōrua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua!».