Ruka 1:68 - Rapa Nui

⁶⁸ «¡Ko te nui-nui i te ꞌAtua o te itaraera ꞌo te oho mai mo toꞌo i tōꞌona taŋata mai roto i te rake-rake!

Ruka 1:68 ပူးပေါင်းရင်းမြစ်များ

Ruka 1:71

e haka eꞌa rō i a tātou mai roto i te rima o te nuꞌu taꞌe haŋa mai ꞌe mai roto i te rima o te nuꞌu taꞌatoꞌa riri mo tātou,

Ruka 19:44

E haka pararaha rō i a koe, e tiŋaꞌi rō i taꞌa ŋā poki, ꞌe te māꞌea taꞌatoꞌa titi i a koe e haka marere tahi rō, he taꞌe aŋi-aŋi ōꞌou i te hora tuꞌu mai o te ꞌAtua mo haka ora atu i a koe».

Ruka 2:38

He tuꞌu rā viꞌe ꞌi rā hora mau ꞌā ki te kona ꞌi ira a kuā Māria. He haꞌamata ia he māuru-uru ki te ꞌAtua ꞌe he vānaŋa o ruŋa i rā poki ki te nuꞌu taꞌatoꞌa o ira e ŋatu rō ꞌā te haŋu ki te eꞌa iŋa o Hērutarema mai roto i te meꞌe taꞌe tano.

Ruka 24:21

I manaꞌu ai a mātou māꞌana e haka eꞌa i te itaraera mai roto i te ꞌati. Ka toru mahana a tuꞌa o te topa o te meꞌe nei.

Ruka 7:16

I takeꞌa era e te nuꞌu i tū meꞌe era, he māere ananake ꞌe he haꞌahana-hana i te ꞌAtua he kī: «ꞌĪ te perofeta nui-nui e tahi ꞌi roto i a tātou». ꞌE he kī takoꞌa: «Ko tuꞌu mai ꞌana te ꞌAtua mo hāꞌūꞌū ki tōꞌona taŋata».

Ēfeto 1:3

Ki haꞌahana-hana tātou ki te ꞌAtua, he Matuꞌa o te tātou Pūꞌoko Haka Tere ko Ietū Kiritō, ꞌi te meꞌe era ko haꞌamaitai mai ꞌana i a tātou hai vaꞌai mai i te meꞌe riva-riva ai ꞌi ruŋa i te raŋi mo hāꞌūꞌū mai ꞌi te tātou haꞌere iŋa a tōꞌona ara ꞌo te ai o tātou ꞌa Ietū Kiritō.

Ēfeto 1:7

Hai toto tehe era o Ietū ꞌi ruŋa i te tātaurō te ꞌAtua ko haka rehu ꞌana i te tātou hara, ꞌe ko haka kore ꞌana i te ūtuꞌa mai ruŋa i a tātou ꞌo te ai o tātou ꞌa Ietū Kiritō. I aŋa ai i te meꞌe nei e te ꞌAtua he riva rahi ōꞌona ꞌina he hāito ꞌi ruŋa i a tātou. ꞌE ꞌāꞌana takoꞌa i vaꞌai mai i te mārama-rama mo aŋi-aŋi e tātou i te parautiꞌa o ruŋa i a ia.

ꞌEvereo 9:12

E tahi mau nō oꞌo iŋa o Ietū ki te Kona ꞌAta Moꞌa parautiꞌa ꞌi te raŋi mo te hora taꞌatoꞌa, ꞌe kai maꞌu i te toto o te vato-vato ꞌe o te puaꞌa mo tūtia ki te ꞌAtua. I tūtia ai hai toto mau era ꞌā ōꞌona, ꞌe hai toto era ōꞌona i ravaꞌa ai mo haka eꞌa mau rō ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa.

1 Pētero 1:3

Ki haꞌahana-hana tātou i te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia, paꞌi, ko vaꞌai mai ꞌana i te ora ꞌe i te noho iŋa ꞌāpī, he rahi o tōꞌona haka ꞌaroha mo tātou. ꞌE, ꞌi te ai ko haka ora ꞌana e ia i a Ietū mai te mate, e ꞌite nei a tātou e haka ora takoꞌa rō mai i a tātou mai te mate pe muꞌa ka oho ena,