Ruka 1:65 - Rapa Nui

⁶⁵ I uꞌi era e rā nuꞌu ko vānaŋa haka ꞌou ꞌā, he riꞌa-riꞌa tahi rō ꞌai, ꞌe te nuꞌu taꞌatoꞌa noho o te kona maꞌuŋa o Hūrea i ꞌite takoꞌa rō i rā meꞌe.

Ruka 1:65 ပူးပေါင်းရင်းမြစ်များ

Māteo 2:1

A Ietū i poreko ai ꞌi Vērene, he kona e tahi o Hūrea, ꞌi te noho iŋa ko ⌊ꞌErore⌋ te ꞌariki o rā kona. ꞌI rā ŋā mahana i tuꞌu ai ki Hērutarema, mai te pāꞌiŋa eꞌa o te raꞌā, te nuꞌu maꞌori hāpī i te hetuꞌu.

Ruka 1:39

ꞌI rā ŋā mahana, he eꞌa he oho a Māria e hōrou rō ꞌana ki te kona e tahi o te maꞌuŋa era o Hūrea.

Ruka 2:18

Te nuꞌu ŋaroꞌa i rā meꞌe ꞌaꞌamu e tū nuꞌu hāpaꞌo māmoe era he māere tahi.

Ruka 5:26

He māere te nuꞌu taꞌatoꞌa o rā kona koia ko riꞌa-riꞌa; he haꞌahana-hana ki te ꞌAtua ꞌe he kī: «¡ꞌI ꞌaŋarīnā i takeꞌa ai e tātou i te meꞌe hopeꞌa o te nui-nui!».

Ruka 7:16

I takeꞌa era e te nuꞌu i tū meꞌe era, he māere ananake ꞌe he haꞌahana-hana i te ꞌAtua he kī: «ꞌĪ te perofeta nui-nui e tahi ꞌi roto i a tātou». ꞌE he kī takoꞌa: «Ko tuꞌu mai ꞌana te ꞌAtua mo hāꞌūꞌū ki tōꞌona taŋata».

Aŋa o te ꞌĀpōtoro 19:17

He ꞌite tahi tū meꞌe era e te nuꞌu taꞌatoꞌa o Ēfeto, ka hūrio ꞌe ka taꞌe hūrio, ꞌe he riꞌa-riꞌa tahi rō atu ꞌai. Pē ira i ꞌata ꞌite ai ꞌe i ꞌata moꞌa ai i te ꞌīŋoa o Ietū.

Aŋa o te ꞌĀpōtoro 2:43

He māere te taꞌatoꞌa ꞌi te rahi o te mana ꞌe o te meꞌe nui-nui haka aŋa e te ꞌAtua ki te ꞌāpōtoro.

Aŋa o te ꞌĀpōtoro 5:11

Te nūnaꞌa taŋata taꞌatoꞌa ⌊haka moe i te manaꞌu⌋ ꞌi ruŋa i a Ietū he riꞌa-riꞌa rō atu ꞌai, ꞌe pē ira takoꞌa ꞌā te nuꞌu taꞌatoꞌa ꞌite o ruŋa i rā meꞌe.

Aŋa o te ꞌĀpōtoro 5:5

I ŋaroꞌa era e ꞌĀnānia, he ꞌamo ki raro he mate, i haka ūtuꞌa e te ꞌAtua. He riꞌa-riꞌa rō atu ꞌai te nuꞌu taꞌatoꞌa ꞌite o ruŋa i rā meꞌe.

Meꞌe Haka Takeꞌa 11:11

Ki tano te toru mahana ꞌe te ꞌafa, he haka ora haka ꞌou e te ꞌAtua i tū ŋā mataꞌite era ꞌe he eꞌa ki ruŋa. ꞌE te nuꞌu taꞌatoꞌa takeꞌa i a rāua he riꞌa-riꞌa rō atu ꞌai.