Ruka 1:52 - Rapa Nui

⁵² Ko hiko ꞌana i te tōroꞌa ꞌariki mai te ꞌariki, ꞌe ko haka nui-nui ꞌā i te nuꞌu tōroꞌa kore.

Ruka 1:52 ပူးပေါင်းရင်းမြစ်များ

Marko 6:3

¿Taꞌe ꞌō te kope nei he tāmuta, he poki ꞌa ⌊Māria⌋, ꞌe he taina o ⌊Tanatiako⌋, o ⌊Kōsē⌋, o Hura ꞌe o Tīmona? ¿Taꞌe ꞌō ꞌi nei takoꞌa e noho ena tōꞌona ŋā taina vahine ena? ꞌE te nuꞌu o ira he riri rō atu ꞌai mo Ietū, ꞌe kai haka moe i te rāua manaꞌu ꞌi ruŋa i a ia.

Ruka 14:11

ꞌĪ a au he kī atu: te kope haka paka i a ia mau ꞌā e haka ka-kata ꞌe e haka haꞌamā rō; ꞌe te kope taꞌe haka paka i a ia pe muꞌa ka oho ena e haka hōnui rō».

Ruka 18:14

»ꞌĪ a au he kī atu: te taŋata haka ꞌauhau era i te nuꞌu hai moni mo te rōmano, i hoki era ki tōꞌona hare, ko haka kore tahi ꞌana e te ꞌAtua i tōꞌona hara, ꞌe te taŋata fariseo era, kai haka kore e te ꞌAtua i te hara. Te taŋata haka paka i a ia, pe muꞌa ka oho ena, e haka ka-kata ꞌe e haka haꞌamā rō; ꞌe te taŋata taꞌe haka paka i a ia, pe muꞌa ka oho ena, e haka hōnui rō».

Tanatiako 4:10

E riro kōrua he nuꞌu ꞌite pē nei ē: mo kore o te ꞌAtua ꞌina e tahi kōrua auraꞌa, ki haka hōnui atu ai kōrua e ia.