Ruka 1:33 - Rapa Nui

³³ He haka tere i te itaraera ꞌātā ki te hopeꞌa raꞌa ꞌe tōꞌona haka tere iŋa ꞌina he hopeꞌa raꞌa.

Ruka 1:33 ပူးပေါင်းရင်းမြစ်များ

Māteo 1:1

Te ŋā ꞌīŋoa nei o te hakaara o Ietū Kiritō, he kope mai i a Tāvita ꞌe mai i a ⌊ꞌAparahama⌋ i haka ara mai ai:

Māteo 28:18

He haka hāhine a Ietū ki muri i rā nuꞌu ꞌe he kī: «Ko vaꞌai tahi mai ꞌana te ꞌAtua i te parau mo haka tere i te meꞌe o te raŋi ꞌe o te ao nei.

Ruka 1:34

He ꞌui e Māria ki tū merahi era: —¿Pē hē te meꞌe tuꞌu pē nā ana topa mai ki a au? ꞌIna, paꞌi, e tahi taŋata noho ꞌāꞌaku.

Rōmano 9:6

Ka ai atu meꞌe rahi nō atu nuꞌu ⌊hūrio⌋ i taꞌe haŋa ki te Kiritō, e ko tano a tātou mo kī ꞌina kai haka tano te ꞌAtua i te hōrea kī era ki a rāua. Tāꞌaku kī: taꞌe taꞌatoꞌa hakaara o Itaraera, te auraꞌa, o Hākovo, he itaraera parautiꞌa.

Karatia 3:29

ꞌE, ꞌi te ai o tātou ꞌāꞌana, he hakaara tātou o ꞌAparahama, ꞌe mo tātou takoꞌa ia te meꞌe hōrea e te ꞌAtua ki a ia.

Karatia 6:16

Ka ai te haumārū ꞌe te riva rahi o te ꞌAtua ꞌi ruŋa i te nuꞌu taꞌatoꞌa haka tere i a rāua hai meꞌe kī atu ena e au; a rāua he itaraera parautiꞌa o te ꞌAtua, te auraꞌa, he nuꞌu haꞌataꞌa e te ꞌAtua māꞌana.

Fīripo 3:3

Pē nei e manaꞌu ena: a rāua he nuꞌu o te ꞌAtua ꞌo te hore i te kiri o te kinoŋa. ꞌE ki te mata o te ꞌAtua, te nuꞌu parautiꞌa hore i te kiri o te kinoŋa, te auraꞌa, te nuꞌu parautiꞌa ꞌāꞌana, ko tātou, he nuꞌu koa ꞌo te ai ꞌa Ietū Kiritō ꞌe he nuꞌu haꞌamuri ki a ia hai pūai o te ⌊Vārua Maitai⌋. Ko ꞌite ꞌana, paꞌi, e tātou taꞌe hai hore i te kiri o te kinoŋa ꞌe hai haka tano ki te tētahi atu haka tere iŋa ana tano te taŋata ki te mata o te ꞌAtua.

ꞌEvereo 1:8

ꞌE ki te Poki i kī ai: «Tuꞌu haka tere iŋa, e te ꞌAtua ē, ꞌina he hopeꞌa raꞌa, ꞌe hai tī-tika koe e haka tere ena.

Meꞌe Haka Takeꞌa 11:15

He puhi te hitu merahi i tāꞌana koneta. He ŋaroꞌa mai meꞌe rahi nō atu reꞌo pūai ꞌi te raŋi e kī ꞌā: «ꞌI te hora nei, i te ꞌAtua ꞌe i te ⌊Kiritō⌋ te haka tere iŋa o te ao, ꞌe he haka tere he oho ꞌātā ki te hopeꞌa raꞌa».